Posta e mëngjesit/ Me 2 rreshta: Çfarë pati rëndësi dje në botë

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Trump do bombardonte Iranin javën e shkuar (rrjedha dramatike e ngjarjeve).

■ Bullgaria ka bllokuar fillimin e bisedimeve për anëtarësim të Maqedonisë së Veriut në Bashkimin Europian, për shkak të mosmarrëveshjes historike gjuhësore me fqinjin e saj. Ministrja e Jashtme e Bullgarisë, Ekaterina Zaharieva tha se Bullgaria nuk do të miratojë kornizën e negociatave për Maqedoninë e Veriut.

■ Presidentja e Komisioni Europian, Ursula von Der Leyen bëri me dije se Italia do të marrë një fond shtesë prej 6,5 miliardë euro për të përballuar krizën e pandemisë. Kjo shtesë do të jepet në formën e kredive nga programi “European Sure”.

■ Presidenti turk Erdogan njoftoi sot masat e reja për të frenuar përhapjen e koronavirusit. Kufizimet parashikojnë bllokimin e pjesshëm gjatë fundjavës. Qytetarët nuk do të lejohen të lëvizin nga ora 10:00 deri në 20:00. Erdogan tha se shkollat do të qëndrojnë të mbyllura deri në fund të vitit.

■ Presidenti i zgjedhur në Shtetet e Bashkuara, Joe Biden, ka paralajmëruar se situata e pandemisë mund të përkeqësohet, nëse Donald Trump nuk e njeh tranzicionin e administratës dhe nuk ndan informacione për shpërndarjen e vaksinës.

■ Autoritetet belge shkelën të drejtat e njeriut të banorëve të azileve të pleqve duke mos i mbrojtur ata gjatë muajve të parë të pandemisë dhe duke lënë disa të vdisnin para kohe, sipas një raporti nga Amnesty International.

■ 87 876 shtretër të kujdesit intensiv për të rriturit në Zvicër "aktualisht janë plotësisht të mbushur", sipas një shoqate mjekësore kombëtare.

■ Tifozët po e vlerësojnë këngëtaren Dolly Parton si një shpëtimtare pasi zbuluan se ajo dhuroi 1 milion dollarë këtë pranverë Qendrës Mjekësore të Universitetit Vanderbilt, e cila punoi me prodhuesin e ilaçeve Moderna për të zhvilluar një vaksinë të koronavirusit.

  ■ Partia kryesore e opozitës së Britanisë, Laburistët, ripranoi ish-udhëheqësin e saj Jeremy Corbyn pasi ai ndryshoi kursin e komenteve muajin e kaluar ku sugjeronte se problemet në trajtimin e partisë ndaj pretendimeve për antisemitizëm ishin "mbivlerësuar".

■ Policia gjermane arrestoi të martën tre burra dhe tha se po kërkonte për dy të tjerë në lidhje me vjedhjen e arit, diamanteve dhe gurëve të çmuar nga tre koleksione shumë të çmuara të bizhuterive mbretërore baroke në një muze në Dresden vitin e kaluar.

■ Të marten Twiter tha se do të prezantonte një funksion që lejon përdoruesit të bëjnë postime që do të zhduken automatikisht pas 24 orësh.