Posta e mëngjesit/ Me 2 rreshta: Çfarë pati rëndësi dje në botë

 

■ Parlamenti Europian miratoi dje buxhetin 7-vjeçar të BE-së me 548 vota pro, 81 kundër dhe 66 abstenim. Këshilli tani do të duhet të miratojë zyrtarisht kornizën financiare shumëvjeçare 1.074 trilion euro në të gjithë gamën e zonave të shpenzimeve të BE-së.

■ Këshilltari i ministrisë së Shëndetësisë Italine, Walter Ricciardi ka bërë thirrje që kufizimet si pasojë e pandemisë të shtrëngohen në mënyrë drastike për të shmangur një “tragjedi kombëtare” pasi Byroja Kombëtare e Statistikave tha se vdekjet këtë vit do të ishin më të lartat që nga Lufta e Dytë Botërore.

■ Kryeministri francez Jean Castex tha të mërkuren se Franca mund të nisë vaksinimin masiv javën e fundit të dhjetorit. Qeveria franceze ka porositur 200 milionë doza vaksinash Pfizer/BioNTech.

■ Reuters: Vendet e varfra rrezikojnë të mbeten pa vaksinë anti-Covid deri në 2024-ën.

■ Një vajzë 9-vjeçare që vdiq nga astma në 2013 u bë personi i parë në Britani që ka zyrtarisht ndotjen e ajrit të renditur si shkak i vdekjes, pasi ajo ishte ekspozuar ndaj niveleve të dioksidit të azotit dhe grimcave përtej udhëzimeve të Organizatës Botërore të Shëndetësisë.

■ SHBA po negocion një marrëveshje me Pfizer për të prodhuar dhjetëra miliona doza shtesë të vaksinës së saj të koronavirusit. Vaksinimet filluan të hënën në ShBA.

■ Në javën e parë të programit të vaksinimit të Britanisë, më shumë se 137,000 njerëz kanë marrë vaksinën anti-Covid.

■ Një ekip ndërkombëtar prej 10 shkencëtarësh që punojnë me Organizatën Botërore të Shëndetësisë do të udhëtojnë vitin e ardhshëm në Kinë për të hetuar origjinën e koronavirusit.

■ Pas muajsh kufizimesh, Kina ka bllokuar zyrtarisht importet e qymyrit nga Australia, duke dhënë një grusht të fortë pasi shumë vende po rimendojnë varësinë e tyre nga karburantet fosile.

■ Prokurorët federalë në Manhattan akuzuan një burrë kenian që punonte si operativ për Shabab për komplotimin e një sulmi të stilit të 11 shtatorit mbi një ndërtesë në një qytet amerikan.

■ Më shumë se 370 udhëheqës shpirtërorë nga më shumë se 35 vende nënshkruan një deklaratë duke kërkuar një ndalim global të terapisë së diskutueshme të konvertimit gjinor dhe duke bërë thirrje për t'i dhënë fund dhunës kundër personave LGBTQ.