Posta e mëngjesit/ Me 2 rreshta: Çfarë pati rëndësi dje në botë

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Më shumë se 64 milion amerikanë kanë votuar tashmë në zgjedhjet presidenciale të 3 nëntorit - dhe rreth gjysma e tyre janë në dhjetëra apo më shumë shtete konkurruese që në fund do të vendosin se kush fiton në Kolegjin Zgjedhor. Votat e hershme në këto shtete kyçe tashmë përbëjnë më shumë se gjysmën e votave totale të atyre shteteve në 2016.

 

■ Hong Kongu do të lehtësojë kufizimet në plazhe, bare dhe restorante pas një rënieje në numrat e infektimeve.

 

■ Protestat shpërthyen në disa qytete italiane pasi një dekret qeveritar që synonte ndalimin e përhapjes së virusit hyri në fuqi. Qindra demonstrues në Katania, Milano, Torino dhe qytete të tjera bllokuan trafikun, hodhën fishekzjarre, dogjën kazanë plehrash dhe u përleshën me policinë.

 

■ Qeveria ruse të martën bëri lëvizjen e saj më të guximshme deri më sot në përpjekje për të frenuar një valë të dytë të infeksioneve, duke urdhëruar maska në vende publike në të gjithë vendin.

 

■ Administrata Trump po vendos kufij të rinj ndaj Administratën Kombëtare të Oqeaneve dhe Atmosferës që do të ndërmerrte veprime kundër ngrohjes globale. Kohët e fundit u zëvendësua shkencëtari kryesor i agjencisë.

 

■ Dhjetëra mijëra polakë kanë sfiduar kufizimet e Covid-19 për të protestuar ndaj një vendimi të ri të gjykatës së lartë që vendos një ndalim gati të plotë të abortit, duke bllokuar rrugët dhe urat kryesore dhe duke brohoritur parulla antiqeveritare.

 

■ Të paktën tetë vetë u vranë dhe më shumë se 100 u plagosën kur një shpërthim i fuqishëm shpërtheu në një shkollë fetare islamike në periferi të Peshuarit në Pakistan. Asnjë grup nuk mori menjëherë përgjegjësinë për bombardimin.