Posta e mëngjesit/ Me 2 rreshta: Çfarë pati rëndësi dje në botë

 

■ Në një moment historik për Joe Biden, Kolegji Zgjedhor të hënën votoi në shtetet kyçe pa ndonjë befasi ose largim. Elektorët në shtetet që Presidenti Trump kishte garuar - Pennsilyvania, Michigan, Wisconsin, Georgia dhe Arizona - votuan për Biden, ndërsa votat e Kalifornisë e shtynë pragun prej 270 votash të nevojshme për të fituar presidencën.

■ Vullkani më i madh i Europës, Etna, ka shpërthyer mbrëmjen e kësaj të diele, rreth orës 21: 20 me orën lokale, pas një tërmeti me madhësi 2.7. I konsideruar si i dyti më aktiv në botë pas malit Kilauea të Havait, Mount Etna shpërtheu duke lëshuar llavë dhe hedhur mbetje të zjarrta, ndërsa shtëllunga e hirit të arrinte pesë kilometra në qiellin e Mesdheut.

■ Finlanda, një nga shtetet që shquhet për nga qetësia dhe mirëqenia e standardit të jetës, u komentua gjatë një vit më parë, kur 34-vjeçarja Sanna Marin u bë kryeministrja më e re në botë. Por, si është jetesa një vit pas udhëheqjes së grave?

■ Donald Trump, vazhdon të refuzojë rezultatin e zgjedhjeve të 3 nëntorit. "Jo, kjo çështje nuk është mbyllur. Ne vazhdojmë përpjekjet. Kemi çështje të shumta në shkallë lokale. Ne fituam në Pensilvani", tha Trump.

■ Administrata e presidentit, Donald Trump ka vendosur sanksione ndaj Turqisë për blerjen e një sistemi raketor rus. Ndërkohë, Ministria e Punëve të Jashtme e Turqisë ka dënuar dhe ka hedhur poshtë “vendimin e SHBA-ve për sanksionet e njëanshme kundër” Turqisë, duke e cilësuar si "alogjike".

■ Vaksinat e e para u dhanë në fushatën amerikane të vaksinimit në masë të hënën në mëngjes. Presidenti Trump vonoi planet për anëtarët e stafit të Shtëpisë së Bardhë për të marrë vaksinat e hershme.

■ Numri i të vdekurve nga koronavirusi në ShBA kaloi 300,000. Gjatë javës së kaluar, ka pasur një mesatare prej 210,112 rastesh të reja në ditë, një rritje prej 30 përqind nga mesatarja dy javë më parë.

■ Bashkimi Europian të hënën zbuloi një aplikacion celular që synon të lehtësojë udhëtimet e sigurta brenda zonës Shengen. Aplikacioni, i quajtur Re-open EU, ka për qëllim të ndihmojë banorët e Europës të lundrojnë ndër kufizimet e ndryshme kombëtare, si dhe rregullat e karantinës dhe kërkesat e testimit.

■ Hollanda do të mbyllet për të paktën pesë javë për të kufizuar përhapjen e virusit, njoftoi Kryeministri Mark Rutte.

■ Në New York City, ngrënia në ambiente të mbyllura është ndalur derisa të zbutet një ngjitje në rastet e Covid-19. Mijëra restorante përballen me një të ardhme të pasigurt pasi përgatiten për muajt e dimrit që mund të ulin biznesin në nivele të reja.

■ Oficerët e një njësie sekrete spiune ruse e ndoqën udhëheqësin e opozitës ruse për vite me radhë dhe ishin afër në kohën kur ai u ekspozua ndaj një agjenti nervor toksik që gati e vrau verën e kaluar, sipas një raporti të ri.

■ Britania njoftoi të hënën se duke filluar nga viti i ardhshëm do të lejojë burra homoseksualë dhe biseksualë që kanë pasur të njëjtën partner seksual për më shumë se tre muaj të dhurojnë gjak, në një lehtësim të ndjeshëm të kufizimeve.

■ Eksportet kineze në ShBA u rritën me 46.1 përqind në nëntor në një rekord 51.98 miliardë dollarë, duke sfiduar pritjet e politikanëve amerikanë të cilët kishin parashikuar që pandemia do të ishte një moment për të zvogëluar tregtinë me Kinën.