Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 19 Mars 2021, 08:37
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Niveli i vaksinimit të Europës kundër Covid-19 është shumë i ulët për të ngadalësuar transmetimin e koronavirusit, tha Organizata Botërore e Shëndetësisë. Kontinenti regjistroi më shumë se 1.2 milion infeksione të reja javën e kaluar dhe më shumë se 20,000 njerëz në javë po vdesin nga virusi.

■ ShBA do të dërgojë miliona doza të vaksinës AstraZeneca në Meksikë dhe Kanada. Masa vjen ndërsa administrata e Biden në heshtje po trysnon Meksikën për të frenuar migrimin.

■ Sekretari i Shtetit Antony Blinken dhe Jake Sullivan, këshilltari i sigurimit kombëtar të Biden, u takuan me homologët e tyre kinezë në Alaskë. Takimi përfaqëson një qasje të re ndaj Kinës, në të cilën administrata e Biden do të përqëndrohet në grumbulimin e aleatëve për t'iu kundërvënë diplomacisë shtrënguese të Pekinit.

■ Rusia tërhoqi ambasadorin e saj në Uashington pasi Biden, në një intervistë për ABC, pranoi se ai mendonte se Presidenti Vladimir Putin ishte një "vrasës".

Kongresi amerikan votoi dje për të krijuar një rrugë drejt shtetësisë për rreth katër milion emigrantë të padokumentuar, duke rihapur një debat të ngarkuar politikisht mbi sistemin jofunksional të imigracionit në vend.

■ Një hetues privat thotë se tabloidi britanik The Sun i pagoi atij 2,055 dollarë në 2016 për informacion në lidhje me Princin Harry dhe Meghan Markle që ishin marrë nga një bazë e të dhënave të kufizuara. Eshtë shkelje e statutit të privatësisë së SHBA-së që hetuesit të kalojnë raporte të tilla tek organizatat e lajmeve.

■ Nëse ecni dhe dërgoni mesazhe, i ngadalësoni të gjithë. Një eksperiment nga studiuesit japonezë tregoi se si vetëm disa këmbësorë të shpërqendruar në të vërtetë mund të ngadalësojnë lëvizjet e një turme të tërë.

Të fundit