Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Mirëmëngjes!
Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]
■ Në Kinë, një burrë 41-vjeçar është bërë njeriu i parë i zbuluar që është infektuar me një lloj gripi shpendësh të njohur si H10N3 - një zhvillim që ekspertët po monitorojnë për shkak të një rreziku të vazhdueshëm të gripit pandemik.
■ Partitë e opozitës izraelite njoftuan mbrëmë se kishin arritur një marrëveshje koalicioni për të formuar një qeveri dhe për të larguar Benjamin Netanyahun, kryeministrin më jetëgjatë në historinë izraelite dhe një figurë dominuese që ka shtyrë politikën e vendit të tij në të djathtë.
■ Duke u përballur me mungesat e vaksinave, organi këshillues i imunizimit i Kanadasë po rekomandon që disa kanadezë të bëjnë vaksina të tjera pasikanë marrë dozën e parë të AstraZeneca.
■ Një udhëheqës i opozitës në Bjellorusi goditi veten në fyt me një stilolaps gjatë një seance gjyqësore pasi pretendoi se hetuesit e kishin kërcënuar se do ta ndjekin penalisht familjen e tij nëse ai nuk vetëdeklarohet fajtor.
■ NASA njoftoi dy misione të reja për të eksploruar Venusin, udhëtimin e parë të agjencisë në planet në tre dekada.
■ Janet Yellen, sekretarja e Thesarit të SHBA, do të takohet nesër dhe të shtunën me Grupin e Ministrave të Financave të Grupit 7 për të siguruar një marrëveshje të gjerë që do t'i japë fund parajsave globale të taksave dhe të vendosë një taksë minimale globale.
■ Anija më e madhe detare e Iranit u mbyt pasi mori flakë në Gjirin e Omanit pranë një korsie të madhe transporti, ndërsa Irani dhe SHBA janë duke negociuar një kthim të mundshëm te marrëveshja bërthamore të vitit 2015.
■ Romani "At Night All Blood Is Black", nga autori franko-senegalez David Diop, fitoi çmimin International Booker Prize.
■ Një përkthim i ri, me shumë shënime, i "Mein Kampf" të Adolf Hitlerit u botua në Francë. Ai synon të shkatërrojë ideologjinë e tij të mbushur me urrejtje antisemitike me analiza të ekspertëve.
■ Arkeologët britanikë zbuluan më shumë se një duzinë skeletesh kokëprerë në Cambridgeshire, një zbulim që mund të hedhë dritë ambi atë se si romakët e lashtë përdornin dënimin me vdekje në Britani.