Posta e mëngjesit/ Me 2 rreshta: Çfarë pati rëndësi dje në botë

 Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

Covid 19

■ Administrata Amerikane e Ushqimit dhe Barnave dha miratimin e plotë për vaksinën Covid-19 të Pfizer-BioNTech për njerëzit e moshës 16 vjeç e lart, duke e bërë atë vaksinën e parë që kalon përtej statusit të përdorimit emergjent.

■ Tajvani filloi të administrojë vaksinën e parë të zhvilluar në vend anti Covid-19. Presidenti Tsai Ing-ëen mori dozën e tij në Taipei.

■ Australia, e cila po lufton shpërthimin më të keq të koronavirusit, duhet të largohet nga një strategjia e bllokimeve kur të arrihet objektivi i vaksinimit, tha kryeministri.

■ Rihapjet u vonuan, eventet u anuluan dhe një normë papunësie gati sa dyfishi i mesatares kombëtare: Varianti Delta po e vonon kthimin e normalitetit në qytetin e Nju Jorkut.

Të tjera

■ Disa javë para se Kabuli të binte në duart e talebanëve, dhjetëra mijëra afganë po largoheshin nga vendi i tyre çdo javë. Shumë prej tyre udhëtuan 1,400 kilometra deri në Iran, me shpresën se do të merrnin rrugën drejt Europës. Por emigrantët u përballën me rezistencë të fortë në kufirin e Turqisë. 

■ Polonia dhe Lituania planifikojnë të ndërtojnë gardhe përgjatë kufijve të tyre me Bjellorusinë për të ndaluar fluksin e emigrantëve që BE -ja thotë se po kanalizohet nga Minsku zyrtar.

■ Të paktën 21 persona humbën jetën në Tennessee dhe rreth 10 të tjerë mbeten të zhdukur dje pasi një përmbytje katastrofike përfshiu një zonë rurale.

■ Një varkë me dhjetëra emigrantë u përmbys afër bregut libian dhe të paktën 17 persona supozohet se kanë vdekur, tha një zyrtar i OKB -së dje, sipas The Associated Press. Rreth 80 emigrantë me synim Europën supozoheshin të vdekur në dy anije të ndryshme anembanë Libisë muajin e kaluar.

■ Fondi Monetar Ndërkombëtar shpërndau 650 miliardë dollarë dje për të ndihmuar vendet e varfra të paguajnë borxhin dhe të përballojnë kostot e luftimit të pandemisë koronavirus.

■ Kathy Hochul u betua si guvernatore e Nju Jorkut, duke u bërë gruaja e parë që mbante postin më të lartë të shtetit. Paraardhësi i saj, Andreë Cuomo, vazhdon të mohojë akuzat në rritje për ngacmim seksual.

■ Akuzuesi i dytë që dëshmoi kundër yllit të R&B R. Kelly tha se ishte 17 vjeç kur këngëtari i bëri presion për seks, pasi filloi java e dytë e gjyqit të Kelly. "Unë thjesht doja të këndoja," i tha ajo jurisë.