Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Presidenti Biden njoftoi dhurimin e miliona vaksinave Covid për një grup të vendeve afrikane gjatë një takimi me Uhuru Kenyatta, presidentin kenian.

■ Koronaviruset e zbuluar tek lakuriqët e natës janë çuditërisht të aftë në infektimin e qelizave njerëzore, duke treguar se tipare të tilla vdekjeprurëse mund të evoluojnë vërtet jashtë një laboratori, sipas një studimi të ri.

■ Policia në Norvegji akuzoi një danez në lidhje me sulmin me shigjeta dhe hark që vrau pesë persona dhe plagosi tre të tjerë. Autoritetet thanë se ishte një akt terrorist.

■ Konferenca e biodiversitetit e Kombeve të Bashkuara është duke u zhvilluar këtë javë si pjesë e një përpjekjeje për të ndaluar kolapsin e shpejtë të specieve dhe sistemeve për të cilat shkencëtarët thonë se mund të barazojnë ndryshimet klimatike si një krizë ekzistenciale.

■ Të paktën 46 persona kanë vdekur pasi një zjarr depërtoi në një ndërtesë 13-katëshe në Kaohsiung, qyteti kryesor port i Tajvanit.

■ Një hetim një mujor nga autoritetet në Mexico City për një kolaps fatal në sistemin metro të kryeqytetit pranverën e kaluar i atribuoi dështimin një sërë të metash në ndërtim.

■ Një meteorit 1.3 kilogramë godit tavanin e një shtëpie në British Columbia, duke rënë në shtratin e një gruaje e cila i shpëtoi përpak goditjes.

■ Kompanitë shtetërore të naftës në Lindjen e Mesme, Afrikën e Veriut dhe Amerikën Latine po rrisin prodhimin për të përfituar nga shkurtimet nga kompanitë e naftës në pronësi të investitorëve.

■ Ekspertët e sigurisë kibernetike kritikuan planet nga Apple dhe BE për të monitoruar telefonat e njerëzve për materiale të paligjshme që lidhen me abuzimin seksual të fëmijëve si joefektive dhe invazive.

■ LinkedIn planifikon të mbyllë shërbimin në Kinë, duke përmendur një mjedis "sfidues". Ishte i detyruar të censuronte postimet.

■ SHBA rifitoi një vend në Këshillin e Kombeve të Bashkuara për të Drejtat e Njeriut, të cilin administrata Trump e braktisi në 2018.

■ Milici sektare të armatosura u përplasën në Bejrut dje, duke i shndërruar lagjet e qytetit në një zonë vdekjeprurëse lufte. Personat e armatosur u fshehën pas makinave dhe koshave të mbeturinave për të gjuajtur me armë automatike dhe granatahedhës kundër rivalëve të tyre. Të paktën gjashtë persona u vranë dhe 30 u plagosën, në dhunën më të keqe të viteve të fundit në kryeqytetin libanez.