Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 14 Dhjetor 2021, 07:38
Posta e mëngjesit/ Me 2 rreshta: Çfarë pati rëndësi

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Gjykata e Lartë refuzoi të bllokojë mandatin e vaksinave të shtetit të Nju Jorkut për punonjësit e kujdesit shëndetësor, i cili nuk lejon përjashtime fetare.

■ Një gjykatë në Hong Kong dënoi me burg ish-manjatin e medias Jimmy Lai dhe shtatë aktivistë të tjerë pro-demokracisë për përpjekjen për të përkujtuar goditjen e Pekinit në vitin 1989 ndaj protestuesve paqësorë në sheshin Tiananmen.

■ Në vizitën e parë zyrtare të një udhëheqësi izraelit në Emiratet e Bashkuara Arabe, Naftali Bennett, kryeministri izraelit, kaloi katër orë - dy orë më shumë se sa ishte planifikuar - me Mohammed bin Zayed, princin e kurorës dhe udhëheqësin de facto të Emirateve.

■ Inger Stojberg, një ish-ministre e imigracionit në Danimarkë, u dënua me dy muaj burg pasi u shpall fajtore për urdhërimin e paligjshëm të ndarjes së çifteve të mitur që kërkonin azil.

■ Pentagoni tha se trupat amerikane nuk do të ndëshkoheshin për një sulm vdekjeprurës në Kabul në gusht, i cili vrau 10 civilë, përfshirë shtatë fëmijë. Ushtria fillimisht e mbrojti sulmin, por në fund e quajti atë një gabim tragjik.

■ Rusia bllokoi një projekt-rezolutë të Këshillit të Sigurimit të OKB-së, nën negociata për shumë muaj, që për herë të parë do të kishte përcaktuar ndryshimin e klimës si një kërcënim për paqen.

■ Një komitet i Dhomës së Përfaqësuesve rekomandoi akuzimin e Mark Meadows, ish-shefit të kabinetit të Donald Trump, për shpërfillje të Kongresit për pengimin e hetimit të tij të 6 janarit.

■ Atletët që u abuzuan seksualisht nga ish-mjeku i ekipit të ekipit kombëtar të gjimnastikës amerikane ranë dakord për një marrëveshje prej 380 milionë dollarësh.

Të fundit