Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 10 Janar 2022, 07:46
Posta e mëngjesit/ Me 2 rreshta: Çfarë pati rëndësi

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Më shumë se 5,800 njerëz janë arrestuar në mes të dhunës disaditore në Kazakistan. Zyrtarët qeveritarë thonë se të paktën 2000 njerëz janë plagosur dhe dhjetëra kanë vdekur. Qyteti më i madh dhe më i begatë i vendit, Almaty, duket si një zonë lufte.

■ Zyrtarët rusë dhe amerikanë u takuan mbrëmë për të filluar negociata të rëndësishme mbi kërcënimet ndaj Ukrainës dhe një hendek në zgjerim midis Moskës dhe Perëndimit. Kishte pesimizëm të thellë nga të dyja palët se një zgjidhje diplomatike ishte e arritshme.

■ Linjat ajrore në SHBA anuluan mijëra fluturime ditët e fundit mes motit të keq dhe shpërthimeve të koronavirusit mes punonjësve të tyre.

■ E gjithë popullsia prej 14 milionë banorësh që jeton në qytetin kinez të Tianjin, afër Pekinit, do të testohet për koronavirusin pasi u zbulua tek 20 banorë.

■ Ritmi i infeksioneve të reja globale ditore pothuajse u dyfishua javën e kaluar, duke tejkaluar dy milionë raste në ditë

■ Basmah bint Saud, një princeshë saudite e cila u burgos gati tre vjet më parë pasi kishte vënë në dyshim publikisht politikat e qeverisë, është liruar.

■ Dhjetë persona humbën jetën në Brazilin juglindor kur një shkëmb ra në një vend të njohur turistik.

■ Të paktën 19 persona, përfshirë nëntë fëmijë, u vranë në një zjarr në një ndërtesë në qytetin e Nju Jorkut.

■ Google Maps ndihmoi hetuesit italianë të gjurmonin një gangster sicilian që kishte ikur në Spanjë.

Të fundit