Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 12 Janar 2022, 08:02
Posta e mëngjesit/ Me 2 rreshta: Çfarë pati rëndësi

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ OBSH-ja paralajmëroi për "një valë të re të baticës perëndim-lindje që përfshin rajonin", në të cilën më shumë se gjysma e banorëve të Europës mund të infektohen me variantin Omicron të koronavirusit në gjashtë deri në tetë javët e ardhshme. Në javën e parë të vitit 2022, kontinenti regjistroi mbi shtatë milionë raste, tha Dr. Hans Kluge, drejtor rajonal për Europën.

■ Politikanët ukrainas janë thellësisht skeptikë ndaj pohimit të Moskës se nuk ka ndërmend të pushtojë, duke pasur parasysh pothuajse 100,000 trupat pranë kufirit ukrainas. Duke u përgatitur për mundësinë që bisedimet të prishen, vendi ka ndjekur një rrugë paralele diplomacie me Rusinë, e fokusuar në zgjidhjen e konfliktit tetë-vjeçar në Ukrainën lindore.

■ Banka Botërore tha se pandemia do të ngadalësojë rritjen ekonomike globale në vitin 2022.

■ Boris Johnson, kryeministri britanik, akuzohet - sërish - për shkeljen e rregullave të bllokimit të qeverisë së tij për një festë në kopsht në maj 2020 në 10 Doëning Street.

■ OKB u kërkoi donatorëve 5 miliardë dollarë për të shmangur një fatkeqësi humanitare në Afganistan.

■ Një padi u ngrit kundër Yale, Georgetown dhe 14 universiteteve të tjera amerikane, duke i akuzuar për komplot për të ulur shumën e ndihmës financiare që u jepet disa studentëve.

■ Të paktën 17 persona, përfshirë gra dhe fëmijë, u vranë në një sulm ajror në një kamp refugjatësh në rajonin verior të Etiopisë, Tigray.

■ Studiuesit në Britani kanë gërmuar mbetjet e fosilizuara të një ichthyosaur, një zvarranik detar që besohet se ka jetuar 180 milion vjet më parë.

Të fundit