Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ PE në seancë të jashtëzakonshme/ Zelensky përlotet: Provoni se jeni me ne. Eurodeputetët “shpërthejnë” në duartrokitje

■ “Rusia përdori bombë me vakum në Ukrainë”/ Çfarë janë armët termobarike dhe si funksionojnë ato?

■ Pushtimi rus/ Italia shpall gjendjen e jashtëzakonshme, pritet t’i dërgojë armë Ukrainës

■ Një grup nacionalistësh serbë në Mal të Zi janë mbledhur në mbështetje të Rusisë dhe pushtimit të saj në Ukrainë. Një nga pankartat shkruhej "Serbët në Mal të Zi, Rusët në Ukrainë". Të tjerë shprehën shpresën e tyre se Moska mund të ndihmojë Serbinë të rimarrë Kosovën, e cila shpalli pavarësinë në 2008. 

■ Në ditën e gjashtë të pushtimit rus të Ukrainës, fushata ushtarake ruse dukej se ishte zhvendosur drejt synimit të zonave civile me armë gjithnjë e më të fuqishme. OKB-ja tha se të paktën 136 civilë, përfshirë 13 fëmijë, ishin vrarë deri më tani. Presidenti i Ukrainës, Volodymyr Zelensky, ka akuzuar Rusinë për krime lufte.

■ Kryeredaktori i gazetës së pavarur ruse 'Novaya Gazeta', Dmitry Muratov, druhet se sa larg mund të shkojë Putin. Si po e raporton Ukrainën gazeta ruse, fituese e çmimit "Nobel për Paqe"

■ Në fjalimin e parë të State of the Union të presidencës së tij, Presidenti Biden u përpoq të bindte amerikanët e zymtë se vendi po bën përparim mbresëlënës duke kontrolluar pandeminë e koronavirusit dhe duke rindërtuar ekonominë.

■ Exxon Mobil tha se do të tërhiqet nga një projekt i madh i naftës dhe gazit natyror në Rusi, duke ndjekur hapat e konkurrentëve të saj BP dhe Shell.

■ Me shumicën e botës perëndimore të bashkuar kundër pushtimit rus të Ukrainës, Britania po përpiqet të mbyllë zbrazëtirat ligjore për oligarkët rusë ndaj të cilëve ka kohë që ka mbyllur një sy.

■ Rreth 100 diplomatë, shumica nga vendet perëndimore, u larguan gjatë fjalimit të ministrit të jashtëm të Rusisë, Sergey Lavrov, dje në Gjenevë në shenjë proteste ndaj pushtimit të vendit të tij në Ukrainë.

■ Gjykata e Lartë e Izraelit tha se katër familje palestineze mund të qëndrojnë në shtëpitë e tyre në Jerusalemin Lindor për momentin. Kërcënimi i dëbimit të tyre kishte ndihmuar në luftën e vitit të kaluar në Gaza.

■ Hulumtimet tregojnë se të mbijetuarit e dhunës në familje mund të pësojnë dëmtime të trurit të ngjashëm me lojtarët e futbollit. Por këto lëndime pothuajse kurrë nuk diagnostikohen.

■ Të frustruar që qeveritë nuk po i dëgjojnë këshillat e tyre urgjente, disa shkencëtarë të klimës po kërcënojnë të hyjnë në grevë.