Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 8 Mars 2022, 07:36
Posta e mëngjesit/ Me 2 rreshta: Çfarë pati rëndësi

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Forcat ukrainase thanë se kishin zmbrapsur një sulm rus në qytetin jugor të Mykolaiv dhe rrëzuan dy aeroplanë rusë mbi kryeqytetin e Kievit dhe në një zonë aty pranë.

■ Bombardimet ruse, gjithnjë e më pa dallim, kanë bllokuar dhe traumatizuar civilët ukrainas dhe po rrisin frikën e një krize humanitare. Dhjetëra mijëra kanë mbetur pa ushqim, ujë, energji apo ngrohje në qytetet e rrethuara të Ukrainës jugore dhe gjetkë

■ SHBA-ja ka shkuar në tehun e konfliktit të drejtpërdrejtë me Rusinë, duke ofruar, me NATO-n, 17,000 armë antitanke për Ukrainën dhe duke operuar me "ekipet e misionit kibernetik" në klandestinitet.

■ Kremlini ka ofruar evakuimin e civilëve ukrainas në Rusi – pra te pushtuesi – ose te aleati i tij Bjellorusia. Udhëheqësit ukrainas e denoncuan propozimin si propagandë dhe thanë se kishte për qëllim të tërhiqte vëmendjen nga bombardimet ruse të zonave ku civilët po përpiqen të ikin.

■ Ligjvënësit amerikanë avancuan dje një masë dypartiake për të pezulluar marrëdhëniet normale tregtare me Moskën dhe për të ndaluar blerjet e naftës ruse nga SHBA. Çmimet globale të naftës u rritën në mbi 119 dollarë për fuçi dhe tregu i aksioneve pati ditën më të keqe që nga tetori 2020.

■ Dhjetra azilkërkues sirianë janë bllokuar në harresë pasi autoritetet daneze ua hoqën lejet e qëndrimit.

■ Projektligjet për të kufizuar abortin po avancojnë në disa shtete të udhëhequra nga republikanët, duke ofruar një pamje paraprake të Amerikës pas Roe.

■ Administrata Biden riatdhesoi në Arabinë Saudite një të burgosur të Guantanamos, i cili u torturua aq keq sa një gjykatës e shpalli atë të papërshtatshëm për gjykim.

■ Sipas një studimi të ri, Tuatara - zvarranikë të vegjël, të çuditshëm, vendas në Zelandën e Re, të cilët shpesh quhen fosile të gjalla - janë pak të ndryshëm nga paraardhësit e tyre 190 milionë vjet më parë.

■ Një dietë e përhapur në mediat sociale për trupa të përsosur po nxit disa djem adoleshentë të zhvillojnë dismorfi muskulore, e njohur ndonjëherë si "Bigorexia".

Të fundit