Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Posta e mëngjesit/ Me 2 rreshta: Çfarë pati rëndësi dje në botë

Politiko 21 Mars 2022, 06:37
Posta e mëngjesit/ Me 2 rreshta: Çfarë pati rëndësi

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Rreth dy milionë njerëz kanë qëndruar në Kiev, kryeqyteti ukrainas, ku popullsia është galvanizuar nga një unitet i ri dhe refuzimi për t'u përulur nga pushtuesit rusë.

■ Me raketa dhe bomba nga toka dhe ajri, si dhe nga anijet luftarake në Detin Azov, forcat ruse zgjeruan dje bombardimet ndaj qytetit të rrethuar të Mariupolit. Mijëra banorë janë dëbuar me forcë nga qyteti, i cili ka mbetur pa ushqim, ujë, energji elektrike dhe gaz që në ditët e para të pushtimit.  

■ Papa Françesku nxori një kushtetutë të re për të qeverisur Kishën Katolike Romake. Ndër ndryshimet: Katolikët laikë të pagëzuar, përfshirë gratë, mund të udhëheqin departamente të kryesuara tradicionalisht nga kardinalët.

■ Dy persona u përfshinë në një përleshje me armë në një veprimtari komunitare në Arkansas dhe derdhën plumba mbi turmën, duke vrarë një kalimtar dhe duke plagosur 27 persona të tjerë, përfshirë gjashtë fëmijë.  

■ Senati fillon sot seancat dëgjimore për Ketanji Brown Jackson, kandidati për Gjykatën e Lartë të Presidentit Biden. Republikanët po shtojnë sulmet.

■ Spanja miratoi planin e Marokut për autonomi të kufizuar për Saharanë Perëndimore, një ish-koloni spanjolle që është copëtuar nga një konflikt separatist për pesë dekada.

■ Sulmet me motive etnike janë rishfaqur në rajonin Darfur të Sudanit, duke çuar në zhvendosje të mëdha dhe një krizë humanitare në rritje.

■ Hillsong, megakisha globale që filloi në Australi, u kërkoi falje "pa rezerva" dy grave që akuzuan themeluesin e saj për sjellje të papërshtatshme.

■ Në një nga tubimet më të mëdha në historinë izraelite, deri në 750,000 njerëz u mblodhën në funeralin e rabinit Chaim Kanievsky, një udhëheqës shpirtëror ultra-ortodoks.

■ Linçimi i fundit i një njeriu të akuzuar për djegien e faqeve nga një Kur'an ka nënvizuar statusin e Pakistanit si një vend i dhunës fetare.

Të fundit