Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Duke u përballur me izolim më të thellë çdo ditë për luftën në Ukrainë, Rusia dukej se e rikalibroi pak qëndrimin, duke lejuar akses më të madh humanitar në qytetin port të shkatërruar të Mariupolit, dhe me sa duket duke u tërhequr nga një konfrontim pagese me klientët evropianë të gazit. Luftimet rreth Kievit, kryeqytetit të Ukrainës, vazhduan të pandërprera.

■ Putini kishte kërkuar që klientët evropianë të gazit natyror të vendit të tij të paguajnë në rubla ose të rrezikojnë një ndërprerje, një kusht që ato qeveri e refuzuan. Por, pasi foli me liderin rus, kryeministri i Italisë, Mario Draghi, tha se presidenti rus do t'u japë një "koncesion" vendeve evropiane.

■  Shtëpia e Bardhë njoftoi një plan për të disburuar deri në 180 milionë fuçi naftë nga rezervat strategjike të ShBA.

■ Udhëheqësit evropianë po konsiderojnë t'i japin Ukrainës garanci sigurie për të mundësuar një marrëveshje me Moskën.

■ OKB-ja caktoi një komision për të hetuar akuzat për krime lufte ruse.

■ Një bankë evropiane parashikoi që prodhimi ekonomik i Ukrainës do të tkurret me 20 për qind këtë vit dhe ai i Rusisë me 10 për qind.

■ Ditë përpara garës kundër një opozite të organizuar fort të dielën, Viktor Orban, kryeministri hungarez, po përdor fuqinë e zyrës për të formuar konturet e zgjedhjeve më shumë sipas dëshirës së tij, duke lëshuar një raund të ri ndryshimesh në ligjet zgjedhore që bëjnë përfituese partinë e tij, Fidesz.

■ Në një lëvizje të rrallë, qeveria e Shangait pranoi se nuk ishte "përgatitur mjaftueshëm" për rritjen e Omicron.

■ Ilaçi antiparazitar ivermectin, i cili është promovuar si një trajtim alternativ për Covid-19, nuk ka treguar asnjë shenjë të zbutjes së sëmundjes gjatë testeve.

■ Irlanda do të transformojë "Lavanderinë Magdalene" të fundit të mbijetuar - ku nënat e pamartuara detyroheshin të punonin pa pagesë - në një memorial për viktimat e burgosjeve dhe abuzimeve institucionale.

■ Presidenti gjithnjë e më autoritar i Tunizisë shpërndau Parlamentin të mërkurën, pasi ligjvënësit votuan për të bllokuar kompetencat emergjente që ai i dha vetes vitin e kaluar.

■ Një studim i ri ka sfiduar supozimin e kahershëm se gjitarët kanë pasur gjithmonë tru relativisht të madh.

■ Vendimi i Bibliotekës Publike të Nju Jorkut për t'i dhënë fund gjobave të vonuara ka shkaktuar një valë kthimesh, të shoqëruara me kërkesa faljeje me turp dhe mirënjohjeje.