Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Rusia vazhdoi ofensivën në rajonin Donbas të Ukrainës duke hedhur shi artilerie përgjatë frontit lindor prej 300 miljesh dhe testoi një raketë të re ndërkontinentale që mund të mbante shumë koka bërthamore. Nisja ishte një paralajmërim i mprehtë për SHBA-në dhe kombet e tjera për të cilët Putin tha se "po përpiqeshin të kërcënonin vendin tonë".

■ Disa zyrtarë të financave globale, duke përfshirë Janet Yellen, sekretaren e Thesarit të SHBA-së, u larguan nga një takim i G20-ës ndërsa po flsite ministri rus i Financave.

■ Presidenti Biden u takua me zyrtarë të lartë të mbrojtjes amerikane një ditë pasi premtoi se do të dërgonte më shumë artileri për të ndihmuar Ukrainën. Sekretari i Përgjithshëm i OKB-së, António Guterres, kërkoi të takohet me liderët e Rusisë dhe Ukrainës për të diskutuar "hapat urgjent për të sjellë paqen". 

■ Në një debat të ashpër përpara raundit përfundimtar të zgjedhjeve presidenciale franceze, Emmanuel Macron, presidenti, u përball me sfiduesen e ekstremit të djathtë, Marine Le Pen. Mbi tre orë ndërprerje dhe akuza për gënjeshtra, dyshja shkëmbyen replika për çdo gjë, nga mjedisi te reforma e pensioneve, pa dhënë asnjëri goditjen e nokautit.

■ Një gjykatë në Londër urdhëroi ekstradimin e themeluesit të WikiLeaks, Julian Assange, në SHBA. Urdhri duhet të nënshkruhet nga sekretarja britanike e Brendshme, Priti Patel dhe mund të apelohet.

■ Një marrëveshje sigurie midis Kinës dhe Ishujve Solomon mund t'i japë Kinës një mandat të gjerë për të ndërhyrë potencialisht kur investimet e saj të huaja dhe qytetarët jashtë shtetit janë nën kërcënim.

■ Ndërsa qindra refugjatë Rohingya u larguan nga një qendër paraburgimi në Malajzi, gjashtë prej tyre, duke përfshirë dy fëmijë, u goditën nga një makinë dhe u vranë.

■ Oficerët e Shërbimit Sekret të SHBA-së qëlluan për vdekje një shkelës në rezidencën e ambasadorit peruan në Uashington, D.C.

■ Departamenti i Drejtësisë së ShBA ka apeluar vendimin e një gjyqtari federal që hodhi poshtë një mandat mbarëkombëtar për maskat në transportin publik.

■ Alex Jones, teoricieni i konspiracionit i ekstremit të djathtë dhe aleati i Trump, ofroi të fliste me prokurorët federalë rreth tubimit që i parapriu sulmit të 6 janarit në Kapitol.

■ Rregullatorët në New Mexico lëshuan një gjobë prej 136,000 dollarësh për kompaninë e prodhimit që qëndron pas filmit "Rust" për vdekjen aksidentale të një kinematografeje, Halyna Hutchins.

■ Wimbledon do të ndalojë tenisistët rusë dhe bjellorusë të konkurrojnë në turneun e këtij viti në Londër.

■ Në një studim rigoroz njëvjeçar, shkencëtarët nuk gjetën asnjë përfitim për humbjen e peshës nga "agjërimi me ndërprerje".