Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Më shumë se dy muaj pas luftës në Ukrainë, Rusia po bën disa përfitime të rëndësishme territoriale, edhe pse pushtimi i saj është dëmtuar nga planifikimi i dobët, inteligjenca me të meta, morali i ulët dhe dhuna brutale e pa dallim kundër civilëve

■ Gjyqësori i Iranit tha dje se do të zbatonte dënimin me ekzekutim të Ahmadreza Djalali, një shkencëtar iranio-suedez i akuzuar për spiunazh për Izraelin dhe për ndihmën e tij në vrasjen e shkencëtarëve bërthamorë iranianë. Djalali i ka mohuar të gjitha akuzat.

■ Një drejtues i grupit të protestës punk Pussy Riot u arratis nga Rusia i maskuar si një korrier ushqimesh.

■ Kongresi amerikan miratoi një paketë të dytë ndihme ushtarake dhe humanitare për Ukrainën që arrin në rreth 40 miliardë dollarë.

■ Yoon Suk-yeol u betua si presidenti i ri i Koresë së Jugut. Në fjalimin e tij inaugurues, ai tha se vendi i tij do të luajë një rol më të madh në promovimin e të drejtave të njeriut në mbarë botën.

■ Protestuesit në Filipine demonstruan kundër Ferdinand Marcos Jr., djalit të ish-diktatorit, i cili fitoi me shumicë këtë javë në zgjedhjet presidenciale thellësisht përçarëse.

■ Paz Esteban, shefi i agjencisë së inteligjencës spanjolle, u largua nga detyra pas zbulimeve se agjencia kishte përdorur spyëare Pegasus për të depërtuar në telefonat celularë të politikanëve separatistë katalanas.

■ Të paktën 40 njerëz u vranë në një trazirë në burg në Ekuador të hënën, gjakderdhja e fundit brenda sistemit të trazuar dhe të mbipopulluar të burgjeve të vendit.

■ Elon Musk tha se do të "tërheqë ndalimin e përhershëm" të Donald Trump në Twitter dhe do ta lejojë atë të kthehet në rrjetin social.

■ Pas gati 22 vitesh, Apple po ndalon prodhimin e iPod-it, një pajisje që ndryshoi elektronikën e konsumatorit dhe çoi në krijimin e iPhone.

■ FIFA dhe EA Sports i kanë dhënë fund një partneriteti dy dekadash që prodhoi një videolojë prej 20 miliardë dollarësh, pas muajsh negociatash të pasuksesshme.

■ Netflix mund të prezantojë një nivel abonimi të mbështetur nga reklama, me çmim më të ulët deri në fund të vitit.

■ Vrasjet me armë në SHBA u rritën me 35 për qind në vitin 2020, rritja më e mprehtë njëvjeçare e regjistruar.