Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Inflacioni në eurozonë në maj arriti nivelin më të lartë vjetor që nga krijimi i monedhës në vitin 1999.

■ Një ditë pasi Bashkimi Evropian ra dakord të ndëshkonte Rusinë me një embargo nafte, liderët evropianë njoftuan një paketë ndihme prej 9 miliardë eurosh për Ukrainën dhe nisën të trajtojnë një bllokadë të të korrave ukrainase që po kërcënon një krizë globale ushqimore.

■ Kanadaja njoftoi se do të dekriminalizonte përkohësisht posedimin e sasive të vogla të drogave të paligjshme, përfshirë kokainën dhe metamfetaminën, në Kolumbinë Britanike.

■ Ministrat e qeverive nga Izraeli dhe Emiratet e Bashkuara Arabe nënshkruan dje një marrëveshje të tregtisë së lirë që, pasi të ratifikohet, do të ishte marrëveshja më e gjerë e këtij lloji midis Izraelit dhe një vendi arab.

■ Disa diplomatë të lartë francezë po planifikojnë të hyjnënë grevë këtë javë mbi një plan të shtyrë nga Presidenti Emmanuel Macron për të ndryshuar statusin e tyre të veçantë.

■ Italia hoqi kërkesat e lidhura me virusin për vizitorët.

■ Normat e vdekjeve nga Covid për të moshuarit në SHBA u rritën gjatë valës Omicron.

■ Shanghai është gati të lehtësojë kufizimet anti-Covid duke filluar nga sot.

■ Një raport zbuloi se vetëm Danimarka dhe Britania ishin në rrugën e duhur për emetimet neto zero deri në vitin 2050 dhe se 176 kombe të tjera ishin në rrugën e dështimit.

■ Kevin Spacey tha se do të udhëtonte vullnetarisht në Britani për t'u përballur me akuzat për sulm seksual.

■ Rafael Nadal mposhti Novak Gjokoviçin në French Open në një çerekfinale të fortë që zgjati më shumë se katër orë.