Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Trupat ruse iu afruan marrjes së kontrollit të qendrës së Sievierodonetsk, qyteti i fundit i madh në provincën lindore të Luhansk ende në duart e Ukrainës. Një zyrtar lokal tha se forcat ruse mbanin rreth 70 për qind të qytetit, por luftimet vazhdojnë. Vetëm rreth 12,000 banorë kanë mbetur në Sievierodonetsk, ku dikur jetonin rreth 100,000 njerëz.  

■ Dmitri Muratov, gazetari rus, do të nxjerrë në ankand medaljen e tij të Çmimit Nobel për Paqe për të mbledhur para për fëmijët refugjatë nga Ukraina.

■ Udhëheqësit evropianë po përpiqen të nxjerrin grurin e bllokuar në Ukrainë mes paralajmërimeve për një krizë globale ushqimore.

■ Gjykata zbuloi se Johnny Depp ishte keqpërfaqësuar nga Amber Heard, ish-gruaja, kur ajo e përshkroi veten në një shkrim si një "figurë publike që përfaqëson abuzimin në familje". Juria i akordoi Depp-it 15 milionë dollarë si dëmshpërblim.

■ Një task forcë amerikane po kërkon biznesmenë që ndihmojnë rusët e pasur të blejnë superjahte dhe vila.

■ Skuadra e futbollit e Ukrainës mundi atë të Skocisë, duke qenë një hap më pranë Kupës së Botës.

■ Sheryl Sandberg largohet nga Meta, kompania mëmë e Facebook.

■ Izraeli do ta zhvendosë bankën e tij të gjakut nën tokë për ta mbrojtur nga sulmet me raketa.

■ Pas tetë javësh bllokim, Shangai u rihap (kryesisht), mes gëzimit dhe pak frike.

■ Shumica e njerëzve në Afrikën e Jugut kanë antitrupa, por vendi ende po përballet me një valë infeksionesh të reja.

■ Një mësuese e vrarë nga të shtënat në shkollën e Teksasit telefonoi të shoqin dhe foli me të para se të vdiste. Zbulimi mund të shtojë kritikat për reagimin e ngadaltë të policisë.

■ Një person i armatosur vrau katër vetë në një sulm në një ndërtesë mjekësore në Oklahoma, përpara se të vriste veten.

■ Studiuesit arritën të zbusin kancerin e pankreasit duke riprogramuar qelizat T të një pacienti, një hap eksperimental që mund të ketë implikime të gjera.