Posta e mëngjesit/ Me 2 rreshta: Çfarë pati rëndësi dje në botë

Mirëmëngjes! Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Austria filloi dje një bllokim të të pavaksinuarve pasi po përballet me një rritje prej 134 për qind të rasteve në dy javët e fundit. Të pavaksinuarit duhet të qëndrojnë në shtëpi nëse nuk janë duke udhëtuar për punë, shkollë, ushqim ose kujdes mjekësor.

■ Në Gjermani, qeveria e ardhshme ka thënë se njerëzit e pavaksinuar do të kenë nevojë për një test negativ për të udhëtuar në autobusë ose trena. Në Francë, do të kërkohen injeksione përforcuese për njerëzit që janë 65 vjeç e lart për të siguruar një leje shëndetësore. Dhe në Itali kërkohen vaksinime apo teste negative që të shkohet në punë.

■ India tha se do të pranojë udhëtarë të vaksinuar nga vende të caktuara, duke hapur vendin për fluksin e parë të madh turistik në 20 muaj.

■ Udhëheqësit e SHBA-së dhe Kinës zhvilluan bisedën e tyre të tretë në 10 muaj, një samit virtual tre-orësh, në një përpjekje për të mbajtur "linjat e komunikimit të hapura" dhe për të shmangur veprimet ushtarake ndërsa tensionet përshkallëzohen.

■ Ministrat e Jashtëm të BE miratuan sanksione të reja kundër qeverisë së Aleksandër Lukashenkos, liderit të Bjellorusisë, lidhur me krizën kufitare polake.  

■ Shell, kompania më e madhe e energjisë në Evropë, propozoi të zhvendoste selinë e saj në Britani dhe të hiqte "Royal Dutch" nga emri i saj.

■ Policia britanike deklaroi dje një shpërthim në një taksi jashtë një spitali të Liverpulit si akt terrorist dhe arrestoi një person të katërt pasi përcaktoi se ai ishte shkaktuar nga një "pajisje shpërthyese e improvizuar".

■ Në Ukrainën lindore, një mosmarrëveshje për blerjet ushqimore në një zonë tampon midis separatistëve dhe forcave ukrainase çoi në sulme artilerie.

■ Dhjetra shoferë në British Columbia u bllokuan nga rrëshqitjet e dheut dhe qyteti i Merritt paralajmëroi për një "rrezik të ujërave të zeza", pas shirave të rrëmbyeshëm.  

■ Pas përmbytjeve të papritura rreth Aswan, Egjipt, akrepat kanë dalë nga strofkat e tyre të shkretëtirës dhe kanë pickuar qindra njerëz.

■ Rodrigo Duterte, presidenti i Filipineve, i cili më parë tha se do të tërhiqej, do të kandidojë për Senat në zgjedhjet e vitit të ardhshëm, një ndryshim që erdhi vetëm disa ditë pasi vajza e tij paraqiti dokumentet për të kandiduar për nënpresident.

■ Planet për protestat kubane dështuan pasi qeveria rriti goditjen e saj ndaj disidencës.

■ Presidenti Biden nënshkroi dje një projektligj për infrastrukturën prej 1 trilion dollarësh, një fitore dypartiake që do të derdhë miliarda në rrugët, portet dhe linjat e energjisë elektrike të vendit.