Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Pushtimi i Ukrainës, Rusia pezullohet nga Këshilli i OKB-së për të Drejtat e Njeriut

Politiko 7 Prill 2022, 18:07

Pushtimi i Ukrainës, Rusia pezullohet nga Këshilli i OKB-së

Asambleja e Përgjithshme e Kombeve të Bashkuara ka pezulluar Rusinë nga Këshilli i të Drejtave të Njeriut.

Propozimi i udhëhequr nga SHBA-ja mblodhi 93 vota pro, ndërsa 24 vende votuan kundër dhe 58 vende abstenuan. Një shumicë prej dy të tretash të anëtarëve me votim - abstenimet nuk llogariten - ishte e nevojshme për të pezulluar Rusinë nga këshilli prej 47 anëtarësh.

Pezullimet janë të rralla. Libia u pezullua në vitin 2011 për shkak të dhunës kundër protestuesve nga forcat besnike të liderit të atëhershëm Muammar Gaddafi.

Rezoluta e miratuar nga drafti i Asamblesë së Përgjithshme prej 193 anëtarësh shpreh "shqetësim të madh për krizën e vazhdueshme të të drejtave të njeriut dhe humanitare në Ukrainë", veçanërisht për raportet për abuzime të të drejtave nga Rusia.

Rusia kishte paralajmëruar vendet se një votë pro ose abstenim do të shihet si një "gjest jomiqësor" me pasoja për lidhjet dypalëshe.

Para votimit, ambasadori i Ukrainës në OKB Sergiy Kyslytsya akuzoi Rusinë për abuzime "të tmerrshme" - duke ngritur çështjen e vrasjeve të dyshuara të civilëve në qytetin e Bucha.

Të fundit