Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Putin nuk është i çmendur

Politiko 14 Mars 2022, 11:10

nga Virgilius

Këto ditë kemi lexuar lumenj e rrëke reportazhesh, kronikash nga fronti, analizash e opinionesh, intervista e deklarata. Të gjitha kanë në qendër një vend, Ukrainën, viktimën e parë të shekullit Njëzetenjë të një lufte ngjethëse në Europë; dhe një njeri, presidentin rus, Vladimir Vladimiroviç Putin.

Pas lajmit kur Putin i kërkonte ministrit të Mbrojtjes Shoigu të rriste shkallën e gatishmërisë së raketave bërthamore, vëmendjen e lexuesve në mbarë botën e kanë ngërthyer me të njëjtin intensitet e interes prononcimet e ndryshme rreth personalitetit dhe gjendjes mendore të presidentit rus – është ende i kthjellët dhe racional apo ka shkalluar -, fëmijërisë së tij të vështirë – “luante me minjtë dhe gërthiste e kafshonte fëmijët e tjerë”, siç shkruante një e përditshme Perëndimore – karrierës së tij në KGB, ngjitjes së shkallëve të pushtetit e deri te martesa, marrëdhëniet me seksin e butë e kështu me radhë.

Të gjitha këto analiza, shpesh me një theks të ndjeshëm freudian, rrihnin e rrahin në një pikë të zbërthejnë e kuptojnë karakterin e këtij njeriu dhe ajo çka është më e rëndësishme, deri ku mund të shkojë ky njeri. Unë rreshtohem me atë grup njerëzish, ndoshta më të pakët, që mendojnë se Putin nuk është aspak i çmendur. Përkundrazi, është i kthjellët dhe lucid njëlloj si Luciferi.

Mendoj se lufta në Ukrainë, por veçanërisht shantazhi për ta shndërruar planetin tokë në gërmadhë e shkretuar jetën në të ka për synim një gjë dhe vetëm një gjë: të përçmojë e të poshtërojë Perëndimin, krejt sistemin e demokracive liberale dhe klasën politike që drejton vendet anëtare të SHBA-së e të BE-së! Shkurtimisht, atë që para pak ditëve e quajti faqe botës “perandoria e gënjeshtrave” - duke dashur në një farë mënyre t’ia kthejnë me të njëjtën monedhë shprehjes së famshme të Reaganit, kur e quajti Bashkimin Sovjetik “perandoria e së keqes”. Me fjalë të tjera, Putin dëshiron t’iu thotë të vetëve, por edhe ukrainasve dhe popujve të tjerë të Lindjes e Perëndimit, se i kështuquajturi sistem liberal nuk është gjë tjetër veçse një maskaradë, një karneval; se ata burra e gra që e drejtojnë atë janë një dorë hipokritësh e burracakësh që për interesat e tyre bëjnë një sy qorr e një vesh shurdh; se ai ka dorë të lirë të bëj çfarë të dojë në Ukrainë ashtu si në 2008 në Gjeorgji dhe para saj në Çeçeni kur e rrafshoi me tokën dhe se askush nuk do të guxojë të ngrejë dorën kundër tij.

Dhe në fund të këtij shkrimi, dy fjalë për atë që Putin e quan denazifikim i Ukrainës. Z-ja e trupave të tij qysh tani i ngjan kryqit të thyer të nazistëve dhe, si e tillë, do të hyj në histori.