Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Refuzoi vaksinën dhe përfundoi në burg, Australia ‘dështon’ ndaj tenistit serb

Politiko 9 Janar 2022, 09:47

Refuzoi vaksinën dhe përfundoi në burg, Australia

Një përpjekje e qeverisë australiane për të vonuar apelimin e Novak Gjokoviç kundër dëbimit është refuzuar nga një gjykatës që mbikëqyr çështjen e tij.

BBC raporton se qeveria kishte kërkuar që seanca gjyqësore e yllit të tenisit të shtyhej deri të mërkurën, por ajo do të fillojë siç ishte planifikuar të hënën në mëngjes.

Gjokoviçit iu mohua hyrja në Australi pasi zbarkoi në Melburn javën e kaluar për të mbrojtur titullin e tij Australian Open. Rasti i tij ka shkaktuar një protestë të madhe dhe ka bërë bujë në mbarë botën.

Tenisti numër një në botë për meshkuj, i cili ka thënë se është kundër vaksinimit, ndodhet në një qendër paraburgimi për emigracionin, ndërsa avokatët e tij përgatiten të apelojnë kundër një vendimi të qeverisë federale të Australisë për të anuluar vizën e tij.

Djokovic, 34 vjeç, kishte marrë një përjashtim mjekësor për të luajtur në turneun Australian Open në një vendim që zemëroi shumë australianë të zakonshëm që kanë jetuar nën disa nga rregullat më të rrepta në botë për Covid.

Të shtunën, avokatët e Gjokoviçit paraqitën një dokument 35 faqesh duke argumentuar se klienti i tyre plotësonte kriteret për një certifikatë përjashtimi nga vaksina për shkak të një infeksioni të fundit Covid, i cili u konfirmua nga një test PCR më 16 dhjetor.

Duket se avokatët e Gjokoviçit do t'i thonë në mënyrë efektive gjykatës se vendimi për revokimin e vizës është prekur nga një sërë "gabime juridiksioni".

Nuk kishte pasur asnjë njoftim paraprak për infeksionin me Covid të Gjokoviçit dhe që atëherë janë shfaqur fotografi të lojtarit që me sa duket ndiqte ngjarjet në kryeqytetin serb Beograd pa maska ​​në kohën kur ai rezultoi pozitiv.

Është e paqartë nëse ai e dinte se kishte Covid kur u bënë fotot.

Të fundit