Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Rikthehet Ebola, pesë të vdekur në Guinea

Politiko 16 Shkurt 2021, 15:02

Rikthehet Ebola, pesë të vdekur në Guinea

Pesë persona kanë vdekur nga Ebola në Guinea, sipas autoriteteve shëndetësore, ndërsa qeveria dhe grupet e ndihmës po fillojnë të marrin masa ndaj shpërthimit.

Është ringjallja e parë e sëmundjes në vendin e Afrikës Perëndimore që nga shpërthimi më i keq në botë midis 2013 dhe 2016 që la më shumë se 11,300 të vdekur në Guinea, Liberi dhe Sierra Leone.

Sipas një raporti epidemiologjik nga agjencia shëndetësore e datës 15 shkurt, pesë persona deri tani i janë nënshtruar virusit, numër ky në rritje.

Vetëm një nga viktimat u konfirmua pozitive për Ebola, me katër të tjerët të listuara si 'raste të mundshme'. Dy persona të tjerë kanë rezultuar pozitivë, tha agjencia shëndetësore, ndërsa 10 të tjerë po shfaqin simptoma.

Viktima e parë e konfirmuar ishte një infermiere 51-vjeçare, e cila vdiq në fund të janarit. Ajo ishte nga Nzerekore afër qytetit Gouecke në jug të vendit.

Dy nga vëllezërit e infermieres që morën pjesë në varrimin e saj më 1 shkurt në Gouecke gjithashtu kanë vdekur, tha një zyrtar shëndetësor i cili kërkoi anonimitet.

Kryeministri Ibrahima Kassory Fofana tha se Guinea kishte "ngritur struktura për t'u marrë me këtë lloj epidemie".

“Pa panik, le të respektojmë udhëzimet sanitare. Ebola do të mposhtet përsëri”, shkroi ai në Twitter.

Ebola shkakton ethe të forta dhe, në rastet më të këqija, gjakderdhje të pandalshme. Transmetohet përmes kontaktit të ngushtë me lëngjet trupore dhe njerëzit që jetojnë me pacientët ose kujdesen për ta, janë më të rrezikuarit.

Të fundit