Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Rusia nis pushtimin e Ukrainës, Biden: Luftë që do të sjellë humbje katastrofike të jetës

Politiko 24 Shkurt 2022, 08:45

Rusia nis pushtimin e Ukrainës, Biden: Luftë që do të

Presidenti i Shteteve të Bashkuara, Joe Biden është zotuar për "mbështetje dhe ndihmë" për Ukrainën në një telefonatë që zhvilloi me homlogun Volodymyr Zelenskyy menjëherë pasi Rusia nisi një pushtim në orët e para të mëngjesit.

Biden tha se Uashingtoni "do të vazhdojë të ofrojë mbështetje dhe ndihmë për Ukrainën dhe popullin ukrainas".

Ai dënoi "sulmin e paprovokuar dhe të pajustifikuar nga forcat ushtarake ruse".

Në një deklaratë, presidenti amerikan tha se Zelenskyy i kërkoi Uashingtonit "t'u bëjë thirrje liderëve të botës që të flasin qartë" kundër "agresionit flagrant" të presidentit rus Vladimir Putin.

Në një deklaratë të mëparshme të lëshuar herët të mërkurën, Biden tha se do të takohej të enjten me homologët e tij të G7 për të hartuar masa më të ashpra kundër Rusisë, duke thënë se SHBA dhe aleatët e saj do të veprojnë në "një mënyrë të bashkuar dhe vendimtare" dhe "do të imponojnë ashpër sanksione ndaj Rusisë”.

“Presidenti Putin ka zgjedhur një luftë të paramenduar që do të sjellë një humbje katastrofike të jetës dhe vuajtje njerëzore”, tha Biden në deklaratën fillestare.

Biden ka qenë prej javësh nën presion për të rritur sanksionet kundër Moskës, me ligjvënësit në Kongres që shprehën mbështetje të rrallë dypartiake për një përshkallëzim të tillë pas sulmit rus.

Në fillim të kësaj jave, Uashingtoni njoftoi një paketë fillestare të sanksioneve perëndimore kundër oligarkëve rusë, institucioneve financiare dhe eksporteve.

Të mërkurën, ajo rriti më tej presionin ndaj Putinit duke vendosur sanksione ndaj firmës që ndërton gazsjellësin 11 miliardë dollarësh Nord Stream 2 dhe oficerëve të saj të korporatës, një masë që Biden e kishte hequr dorë për muaj të tërë.

Të fundit