Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

SHBA miraton shitjen e armëve me vlerë 1.1 miliardë dollarë në Tajvan

Politiko 3 Shtator 2022, 21:00

SHBA miraton shitjen e armëve me vlerë 1.1 miliardë dollarë

Shtetet e Bashkuara kanë rënë dakord t'i shesin 1.1 miliardë dollarë armë në Tajvan, duke provokuar Kinën.

Marrëveshja e propozuar përfshin një sistem radar për të gjurmuar sulmet në hyrje dhe raketa kundër anijeve dhe kundërajrore, raporton BBC.

Kjo vjen pasi kryetarja e Dhomës së Përfaqësuesve të SHBA, Nancy Pelosi muajin e kaluar u bë zyrtarja më e lartë amerikane në 25 vjet që vizitoi Taipein.

Ambasada kineze në Uashington i bëri thirrje SHBA-së që të revokojë marrëveshjen ose të përballet me "kundërmasa". Zëdhënësi Liu Pengyu tha se marrëveshja "rrezikon rëndë" marrëdhëniet midis Uashingtonit dhe Pekinit.

"Kina do të marrë me vendosmëri kundërmasa legjitime dhe të nevojshme në dritën e zhvillimit të situatës," shtoi ai.

Pekini e sheh ishullin e vetëqeverisur si pjesë të territorit të tij dhe këmbëngul se ai duhet të bashkohet me kontinentin, me forcë nëse është e nevojshme. Ajo nisi stërvitjet ushtarake në shkallë të gjerë rreth Tajvanit muajin e kaluar, pas vizitës së delegacionit amerikan.

Shitja e armëve amerikane e rënë dakord të premten ende duhet të votohet nga Kongresi Amerikan pro-Tajvan.

Të fundit