Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Si u përfshi bashkëshortja e Maduros, Cilia Flores në rrjetet e trafikut të d*ogës?

Politiko 4 Janar 2026, 20:59

Si u përfshi bashkëshortja e Maduros, Cilia Flores në rrjetet e

Cilia Flores, bashkëshortja e presidentit venezuelian Nicolás Maduro, konsiderohet prej vitesh një nga figurat më të fuqishme dhe më të diskutueshme të politikës në Venezuelë. Avokate me profesion, ajo ka ndërtuar një karrierë të gjatë politike që nga fillimi i viteve 2000, duke qenë një bashkëpunëtore e afërt e Hugo Chávez-it dhe më pas e Maduros.

Flores u zgjodh deputete në Asamblenë Kombëtare në vitin 2000 dhe u rizgjodh në vitin 2005. Një vit më vonë, ajo hyri në histori si gruaja e parë që drejtoi parlamentin venezuelian. Pas ardhjes së Nicolás Maduro-s në pushtet, roli i saj publik u bë më pak i dukshëm, megjithëse ndikimi i saj politik mbeti i fortë. Maduro e ka cilësuar atë si “luftëtarja e parë”, duke refuzuar termin tradicional “zonja e parë”, të cilin e ka konsideruar si elitist.

Emri i Cilia Flores është përfshirë prej vitesh në hetime ndërkombëtare të autoriteteve amerikane. Sipas prokurorëve në SHBA, ajo dyshohet se ka marrë ryshfete në vitin 2007 për të ndërmjetësuar një takim mes një trafikanti të madh droge dhe ish-drejtorit të Zyrës Kombëtare Kundër Drogës në Venezuelë, Néstor Reverol Torres. Hetimet pretendojnë se në këmbim të pagesave të majme, ishte garantuar kalim i sigurt për avionë të ngarkuar me kokainë.

Reverol Torres u akuzua në vitin 2015 në New York për vepra penale të lidhura me trafikun e drogës dhe rezulton ende në arrati. Sipas autoriteteve amerikane, Flores ka qenë pjesë e një strukture ndikimi që ka ofruar mbrojtje institucionale për rrjetet e narkotrafikut.

Rasti mori përmasa edhe më të mëdha në vitin 2015, kur dy nipërit e saj u arrestuan në SHBA dhe u dënuan për komplot për trafik droge. Ata u liruan në vitin 2022, pas një marrëveshjeje shkëmbimi të të burgosurve mes Uashingtonit dhe Karakasit.

Tashmë, teksa Cilia Flores pritet të përballet zyrtarisht me akuzat në New York, prokurorët amerikanë pretendojnë se ajo, së bashku me bashkëshortin dhe djalin e saj, kanë përdorur pushtetin politik për të lehtësuar trafikun e drogës. Mbështetësit dhe kritikët bien dakord për një pikë: figura e saj është e pandashme nga pushteti i Nicolás Maduro-s dhe nga akuzat që rëndojnë mbi regjimin venezuelian për lidhje me kartelet e drogës.

Të fundit