Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Trump u kërkon dorëheqjen miliona punonjësve

Politiko 29 Janar 2025, 16:00

Trump u kërkon dorëheqjen miliona punonjësve

Presidenti i SHBA-së, Donald Trump, ka ndërmarrë një hap të madh për tkurrjen dhe reformimin e qeverisë federale, duke ofruar një paketë kompromisi për pothuajse të gjithë punonjësit federalë.

Në një email të dërguar të martën, administrata e tij u njoftoi punonjësve se duhet të vendosin deri më 6 shkurt nëse dëshirojnë të marrin pjesë në një program “dorëheqjeje të parakohshme”. Sipas këtij programi, ata që pranojnë të largohen nga puna në shtator do të përfitojnë rreth tetë muaj pagë si paketë kompensimi.

Administrata Trump pret që deri në 10% e punonjësve federalë – rreth 200,000 nga mbi dy milionë – të pranojnë ofertën, një masë që mund t’i kursejë qeverisë deri në 100 miliardë dollarë.

Zyrtarë të lartë të administratës thanë për mediat amerikane se ky vendim synon të zvogëlojë burokracinë dhe të përmirësojë efikasitetin e administratës publike.

Ndërkohë, Zyra e Menaxhimit të Personelit paralajmëroi se edhe ata që zgjedhin të qëndrojnë mund të preken nga ndryshimet.

“Ne nuk mund t’ju japim siguri të plotë në lidhje me pozicionin tuaj, por nëse qëndroni, do të trajtoheni me dinjitet”, theksohet në mesazh.

Ky vendim ka shkaktuar reagime të ndryshme në Shtetet e Bashkuara, me disa që e mbështesin si një reformë të nevojshme dhe të tjerë që e kritikojnë si një përpjekje për të dobësuar shërbimin civil federal.

 

 

 

Të fundit