Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

‘Ukraina të mos i bashkohet NATO-s’, SHBA kundërshton kërkesën e Rusisë

Politiko 26 Janar 2022, 20:33

‘Ukraina të mos i bashkohet NATO-s’, SHBA kundërshton

Sekretari amerikan i Shtetit, Antony Blinken, ka thënë se Uashingtoni nuk ka bërë asnjë lëshim ndaj kërkesave kryesore ruse mbi Ukrainën dhe NATO-n, në një përgjigje me shkrim dërguar Moskës të mërkurën.

Më herët, Rusia tha se kishte marrë përgjigjen e Shteteve të Bashkuara ndaj kërkesave të saj, duke përfshirë tërheqjen e NATO-s nga Evropa Lindore, një çështje në zemër të krizës së sigurisë në Ukrainë, shkruan Euronews.

Ministria e Punëve të Jashtme në Moskë tha në një deklaratë se ambasadori amerikan në Rusi, John Sullivan, i dorëzoi përgjigjen me shkrim Uashingtonit për kërkesat e tij në lidhje me sigurinë, zëvendësministrit të Jashtëm Alexander Grouchko.

Rusia ka kërkuar garanci që NATO do të ndalojë zgjerimin e saj drejt lindjes, do të përjashtojë anëtarësimin e Ukrainës dhe vendeve të tjera ish-sovjetike dhe do të zhbëjë dislokimet e saj ushtarake në Evropën Qendrore dhe Lindore.

Por Blinken tha se përgjigja e së mërkurës për Rusinë e bën shumë të qartë se SHBA po i qëndron parimeve të saj. “Nuk ka ndryshim, nuk do të ketë ndryshim”, tha ai.

Duke folur në një konferencë për shtyp, Sekretari i Shtetit tha se propozimet e SHBA i ofruan Rusisë një "rrugë serioze diplomatike përpara". Këto përfshinin mbrojtjen e të drejtës së kombeve për të zgjedhur aleancat e tyre, shtoi ai.

"Ne e bëmë të qartë se ka parime thelbësore që ne jemi të përkushtuar t'i mbështesim dhe mbrojmë, duke përfshirë sovranitetin dhe integritetin territorial të Ukrainës dhe të drejtën e shteteve për të zgjedhur marrëveshjet dhe aleancat e tyre të sigurisë," tha Blinken.


 

Të fundit