Vdes papritur nënkryetari i Bundestag-ut gjerman, Thomas Opperman

Zv. presidenti i Parlamentit gjerman Thomas Oppermann ka ndërruar jetë papritur pasi ra pa ndjenja pak para një transmetimi televiziv. Kolegët nga i gjithë spektri politik kanë shprehur tronditjen e tyre për vdekjen e 66-vjeçarit.

Oppermann, politikani kryesor Social Demokrat (SPD) dhe nënkryetari i Bundestag ra pa ndjenja të dielën në mbrëmje papritur ndërsa do të intervistohej për ZDF. Transmetuesi publik konfirmoi vdekjen e tij të hënën, duke thënë se ai ishte duke shkuar në spital pasi u sëmur.

Oppermann filloi karrierën e tij politike në 1980. Ai së pari u bë një ligjvënës në nivelin shtetëror në Saksoninë e Ulët në 1990 dhe vazhdoi të shërbejë si ministër i shkencës. Ai kaloi në skenën kombëtare në 2005, ku përfaqësoi zonën elektorale të Göttingen. Ai kishte mbajtur postin e nënkryetarit të Bundestag që nga viti 2017.

Nga 2013 në 2017 ai shërbeu si drejtues i partisë parlamentare për SPD të qendrës së majtë në Bundestag.

“Tronditje për të gjithë ne”

Bashkë-udhëheqësi i SPD-së Norbert Walter-Borjans e quajti lajmin e vdekjes së Oppermann “një tronditje të fortë për të gjithë” në një postim në Twitter.

“Thomas Oppermann vdiq papritur dje”, shkroi Walter-Borjans. “Ne jemi thellësisht të tronditur dhe të pikëlluar me të afërmit e tij.”

Ministri i Punës dhe ligjvënësi tjetër i SPD Hubertus Heil mbajti zi për vdekjen “e papritur” të Oppermann.
“Lajmi për vdekjen e papritur të kolegut dhe shokut tim Thomas Opperman më mbush me trishtim të thellë”, shkroi Heil në Twitter. “Me pasion dhe intelekt, Thomas i ka bërë një shërbim të madh vendit tonë dhe demokracisë sociale. Mendimet e mia janë me familjen e tij.”

Zëvendëskancelari dhe Ministri i Financave Olaf Scholz, i cili është kandidati i SPD për kancelar në zgjedhjet kombëtare të vitit të ardhshëm, e quajti vdekjen Oppermann një “tronditje për të gjithë”.

“Vendi po humbet një politikan të arrirë, Bundestagu një nënkryetar të shquar dhe SPD një shok të pasionuar dhe të ashpër”, shkroi Scholz në Twitter. “Ne të gjithë po humbasim një mik – dhe jemi të trishtuar.”

Vdekja e tij u raportua gjithashtu nga transmetuesit RTL dhe NTV, të cilët thanë “se ai humbi jetën, ndërsa po intervistohej nga transmetuesi ZDF dhe u dërgua në spital”.

Nënkryetari i Bundestag-ut dhe politikani i Partisë Social-demokrate (SPD) kishte njoftuar në fund të gushtit se ai nuk do të garonte për zgjedhjet e ardhshme parlamentare.

“Pas 30 vitesh si përfaqësues i parlamentit rajonal të Saksonisë së Poshtme dhe Bundestag-ut, tani është koha e duhur që unë të bëj diçka tjetër përsëri dhe të filloj projekte të reja”, tha ai në atë kohë.

Thomas Opperman kishte planifikuar daljen në pension

Oppermann kishte njoftuar në gusht se nuk do të kërkonte rizgjedhjen në Bundestag në votimin e vitit të ardhshëm.

"Pas 30 vitesh si delegat në parlamentin shtetëror të Saksonisë së Ulët dhe në Bundestagun Gjerman është tani koha e duhur që unë të bëj përsëri diçka ndryshe dhe të marr projekte të reja," ishte shprehur më herët ai.

Në një deklaratë në Twitter, SPD tha: "Ne vajtojmë Thomas Oppermann, nënkryetar i Bundestagut, anëtar i partisë sonë dhe ish-udhëheqës i partisë parlamentare, SPD. Mendimet tona janë me familjen e tij."