Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Zelensky: Lufta e Ukrainës duhet të përfundojë me çlirimin e Krimesë

Politiko 10 Gusht 2022, 08:35

Zelensky: Lufta e Ukrainës duhet të përfundojë me

Lufta në Ukrainë filloi me Krimenë dhe duhet të përfundojë me çlirimin e saj, tha presidenti Volodymyr Zelensky. Deklarata erdhi pasi një varg shpërthimesh goditën një bazë ajrore ruse atje, duke vrarë një person.

Zelensky nuk i përmendi shpërthimet e së martës, por tha: "Krimeja është ukrainase dhe ne kurrë nuk do të heqim dorë nga ajo". Ministria ruse e mbrojtjes tha se municionet shpërthyen në bazë.

Ndërkohë, Ukraina mohoi çdo përgjegjësi për shpërthimet. Zyrtarët ukrainas thonë se 11 persona u vranë në sulmet ruse gjatë natës në rajonin qendror të Dnipropetrovsk dhe një tjetër në rajonin Zaporizhzhia në jug.

Krimea njihet ndërkombëtarisht si pjesë e Ukrainës, por gadishulli i Detit të Zi u aneksua nga Rusia në vitin 2014 pas një referendum, të cilin komuniteti global e sheh si të paligjshëm. Shumë ukrainas e shohin këtë si fillimin e luftës së tyre me Rusinë.

Të martën, një seri shpërthimesh tronditën bazën ushtarake Saky pranë Novofedorivka, në perëndim të Krimesë, e cila është pranë vendpushimeve bregdetare të njohura nga turistët rusë.

Novofedorivka dhe Saky janë rreth 50 km (30 milje) në veri të portit të Sevastopolit, shtëpia e flotës ruse të Detit të Zi, e cila ka udhëhequr një bllokadë të vijës bregdetare të Ukrainës. Baza ajrore ishte përdorur nga Rusia për të nisur sulme ndaj objektivave thellë brenda Ukrainës.

Çdo sulm ndaj Krimesë nga Ukraina do të konsiderohej thellësisht serioz nga Moska. Rusia dha një paralajmërim muajin e kaluar kur ish-presidenti Dmitry Medvedev kërcënoi muajin e kaluar se "Dita e Gjykimit do të presë menjëherë" nëse Ukraina do të shënjestronte Krimenë.

Burimi: BBC

 

Të fundit