Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Zhvillimet e fundit nga lufta në Ukrainë

Politiko 10 Maj 2022, 08:21

Zhvillimet e fundit nga lufta në Ukrainë

Forcat ruse sulmuan Odesën, duke përdorur nëndetëse dhe avionë për të lëshuar raketa në një sërë vendndodhjesh, ku goditën një qendër tregtare dhe dy hotele.

Ndërkohë, presidenti rus Vladimir Putin përdori festimet e Ditës së Fitores për të përsëritur akuzën e tij të pabazë se Perëndimi nuk i la zgjidhje tjetër veçse të pushtonte Ukrainën.

Ai ofroi pak të dhëna për drejtimin e konfliktit dhe shfaqjet e planifikuara ajrore u anuluan. Sekretarja e shtypit e Shtëpisë së Bardhë, Jen Psaki, tha se pretendimet e Putinit se NATO-ja “po krijonte kërcënime pranë kufirit tonë”, janë “të pavërteta dhe absurde”.

Ushtria ukrainase thotë se Rusia po mban disa nga forcat e saj brenda kufijve të saj për të parandaluar një kundërsulm ukrainas që ka bërë disa përparime në lindje të Kharkiv. Brenda Ukrainës, shtabi i përgjithshëm thotë se aktiviteti më intensiv është në rajonin e Donetskut, ku forcat ruse po përpiqen të avancojnë drejt qytetit të Lyman, një qendër kryesore transporti.

Ushtarët ukrainas vazhdojnë të qëndrojnë në fabrikën e çelikut Azovstal në Mariupol, sipas Shërbimit Shtetëror të Rojës Kufitare. Mendohet se ka disa qindra ushtarë ende në Azovstal, si dhe civilë meshkuj. Fabrika është mbrojtja e fundit e rezistencës ukrainase në qytetin jugor.

Dy reporterë rusë duket se kanë postuar të paktën 30 artikuj që u shfaqën shkurtimisht në një faqe lajmesh pro-Kremlinit, lenta.ru, duke kritikuar pushtimin e Putinit në Ukrainë dhe shtypjen e kritikëve nga qeveria e tij.

“Putini dhe rrethi i tij janë të dënuar të përballen me një gjykatë pas përfundimit të luftës”, shkruan ata në lenta.ru. "Putini dhe bashkëpunëtorët e tij nuk do të jenë në gjendje të justifikojnë veten ose të ikin pas humbjes së kësaj lufte."

Dhoma e Përfaqësuesve e SHBA-së do të marrë në konsideratë një fond shtesë prej 40 miliardë dollarësh për Ukrainën të martën, sipas udhëheqësit të shumicës në Dhomë, Steny Hoyer. Të hënën, presidenti Joe Biden i bëri thirrje Kongresit që "menjëherë" të miratojë projektligjin e ndihmës për Ukrainën, duke paralajmëruar për herë të parë se ndihma ekzistuese do të mbarojë për "afërsisht dhjetë ditë".

Burimi: CNN

Të fundit