Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Zhvillimet e fundit nga lufta në Ukrainë

Politiko 1 Qershor 2022, 08:47

Zhvillimet e fundit nga lufta në Ukrainë

Zyrtarë të lartë të administratës amerikane konfirmuan se SHBA-ja do t'i dërgojë Ukrainës sistemet raketore të artilerisë së lëvizshmërisë së lartë, të njohur si HIMARS, si pjesë e paketës së 11-të të ndihmës për sigurinë e vendit. Zyrtarët thanë se HIMARS do të pajiset me municione që do të lejojnë Ukrainën të lëshojë raketa rreth 80 kilometra.

Ndërkohë Serhiy Hayday, kreu i administratës ushtarake rajonale të Luhansk, tha se trupat ruse tani kontrollojnë pjesën më të madhe të qytetit të Severodonetsk - por ai ka hedhur poshtë pretendimet se trupat ukrainase në zonë do të rrethohen.

Nëse forcat ruse fitojnë kontrollin e Severodonetsk, qyteti fqinj Lysychansk do të jetë e vetmja zonë urbane që do të mbetet nën kontrollin ukrainas. Hayday më herët tha se një sulm ajror rus në Severodonetsk kishte goditur një rezervuar me acid nitrik në një fabrikë kimike dhe paralajmëroi njerëzit të strehoeshin.

Forcat ukrainase kanë bërë përparim në rajonet e Kherson dhe Kharkiv dhe po mbajnë prapa forcat ruse në Zaporizhzhia, tha presidenti ukrainas Volodymyr Zelensky. “Ushtarët tanë tregojnë trimëri ekstreme, pavarësisht faktit se Rusia ka një avantazh të konsiderueshëm në forcë dhe armë”, tha Zelensky.

Më shumë se 23,000 ukrainas janë autorizuar të vijnë në SHBA si pjesë e procesit të thjeshtuar të administratës Biden për refugjatët ukrainas që kërkojnë të hyjnë në vend, sipas Departamentit të Sigurisë Kombëtare. Administrata Biden është zotuar të pranojë deri në 100,000 refugjatë ukrainas.

Ukraina po punon për një "operacion detar të udhëhequr nga OKB" me marinat e vendeve partnere për të siguruar një rrugë të sigurt tregtare për eksportin e produkteve të saj bujqësore, tha ministri i Jashtëm ukrainas Dmytro Kuleba. Zelensky tha më parë se 22 milionë tonë drithë, që përbën gati gjysmën e furnizimit të eksportit të grurit të Ukrainës, po frenohet nga bllokimi i rrugëve kryesore të eksportit nga Rusia.

Burimi: CNN

Të fundit