Bushati komenton shpalljen non-grata nga SHBA të tre zyrtarëve nga Shqipëria: Shqetësim serioz

Ish-ministri i Jashtëm Ditmir Bushati e sheh me shqetësim faktin që tre zyrtarë nga Shqipëria janë shpallur non-grata nga SHBA.

Në një intervistë për “Zërin e Amerikës” Bushati u shpreh se ndalimi i tre zyrtarëve, ose i 14 personave në total bashkë me familjarët e tyre, nga rreth 100 persona nga e gjithë bota, nuk është një lajm i mirë.

 “Fakti që janë tre persona ose 14 në total bashkë më familjarët e tyre, nga një listë me rreth 100 persona nga e gjithë bota, dhe faki që kjo listë është shpallur nga partneri strategjik kryesor i Shqipërisë siç është SHBA, përbën një shqetësim dhe nuk është një lajm i mirë. 

Në këtë kontekst është e rëndësishme që ne të punojmë në mënyrë më të strukturuar me agjencitë ligjzbatuese të SHBA për të identifikuar rastet konkrete dhe për të marrë masat konkrete”- është shprehur Bushati.