Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bushati konfirmon përplasjet me Ramën? “Unë luftoj për ide dhe pikëpamje”

Politiko 7 Maj 2019, 21:15
Bushati konfirmon përplasjet me Ramën? “Unë luftoj për

Ish-ministri i Punëve të Jashtme, Ditmir Bushati shprehet se nuk ka asnjë qejf mbetje me kryeministrin Rama për faktin se ai e shkarkoi në dhjetor. Megjithatë, Bushati lë të kuptohet se me kryeministrin kanë ide të ndryshme për çështje të caktuara, kur thotë se “jo në çdo rast idetë apo pikëpamjet që kam mbrojtur mund të kenë qenë idetë që janë përkthyer në politika shtetërore”.

“Nuk kam asnjë qejf mbetje. Nuk kam lindur ministër. Ministri është qiraxhi në zyrën e shtetit. Kam qenë dhe jam politikan. Kam rreth 10 vite që jam në parlament dhe që nga 2011 jam anëtar i Kryesisë së PS. Drejtoj një qark të rëndësishëm me të cilën më lidh edhe e kaluara ime. Për mua nuk ka asnjë lloj qejf mbetje. Për mua është e rëndësishme që të luftoj për ca ide dhe ca pikëpamje. Jo në çdo rast idetë apo pikëpamjet që kam mbrojtur mund të kenë qenë idetë që janë përkthyer në politika shtetërore, por kjo është logjika e çdo qeverie. Kam qenë i respektuar nga kolegët dhe kryeministri në ushtrimin e detyrës që kam mbajtur. Nuk ka ftohje, por ridimensionim të marrëdhënieve.  Kjo vjen nga fakti që unë nuk jam më pjesë e kabinetit qeveritar. Ministri i Jashtëm dhe kryeministri kanë një marrëdhënie të ngushtë për shkak të intensitetit të punës. Për herë të parë na u dha besimi nga vendet anëtare e OSBE për të drejtuar këtë organizatë në 2020. Të gjitha këto procese nuk do ishin realizuar pa mbështetjen e kryeministrit apo kolegëve. Marrëdhëniet janë ridimensionuar sepse drejtoj një qark politik”, deklaroi Bushati.

Sa i përket idesë se Bushati mund të ishte kryeministër i qeverisë tranzitore të kërkuar nga opozita, ish-ministri i Jashtëm tha se janë spekulime mediatike. Ai theksoi se takohet me kryeministrin Rama sa herë që ka mbledhje kryesie, por nuk ka biseduar me të për politikën e jashtme.

Të fundit