Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bylykbashi mesazh ambasadorit Borchardt: Relativizimi i problemeve është shembull i keq për të gjithë

Politiko 19 Mars 2019, 18:40
Bylykbashi mesazh ambasadorit Borchardt: Relativizimi i problemeve

Deklaratat e ambasadorit të OSBE-së, Berndad Borchardt, që ndër të tjera u shpreh se djegia e mandateve nga opozita nuk janë shembull i mirë janë kritikuar nga ish-deputeti i PD-së, Oerd Bylukbashi.

Në një status në ‘Facebook’, Bykykbashi thekson se janë veprimet e qeverisë ata që duhen kritikuar dhe jo vendimi i opozitës, duke renditur edhe arsyet.

“Të fitosh zgjedhjet me bandat e kriminelëve dhe 19 prej tyre t'i bësh deputetë, më pas kriminelët përdhunues vrasës e trafikantë t'i bësh kryetarë bashkish që të kontrollojnë territorin dhe zgjedhjet, ky është shembull i keq për rajonin.  Të mbjellësh me drogë të gjithë Shqipërinë, të përmbytesh me drogë Europën, të shndërrosh vendin në lavatriçe të parasë së drogës, ky është shembull i keq për rajonin.Të kriminalizosh politikën me paranë e drogës, korrupsionit dhe oligarkisë, të blesh zgjedhjet dhe të kthesh shtetin në parti, duke bërë presion mbi administratën dhe abuzuar me shtetin për të fituar zgjedhjet, ky është shembull i keq për rajonin.

Të kesh prova tëregjistruara për shitblerje vote dhe të pengosh hetimet me Prokuroren e Përgjithshme të Përkohshme, që e ke vënë me votat e tua, ky është shembull i keq për rajonin. Të zhvatesh çdo para dhe pronë publike për t'ia dhënë oligarkëve që të financojnë, ky është shembull i keq për rajonin. Të kapësh sistemin e drejtësisë duke deformuar dhe korruptuar reformën në drejtësi, që të emërosh ushtarët e tu në organet e drejtesisë që, më vonë të të mbrojnë kundër hetimit penal për zullumet e tua, ky është shembull i tmerrshëm për rajonin”, sqaron Bylykbashi që ka edhe një përgjigje edhe për ndërkombëtarët që mendojnë si Borchardt.

“Të mos reagosh, të mos thuash gjysëm fjale për të gjitha këto, të mjaftohesh vetëm me përmbledhje ekzekutive raportesh dhe të relativizosh problemet e rënda, është nje shembull i keq për të gjithë. Të reagosh duke e refuzuar këtë sistem të kalbur dhe të dalësh në protestë për të kërkuar zgjedhje të lira e të ndershme, ky është një precedent që i bën mirë rajonit, sepse i tregon kujtdo që kërkon të bëhet kryeminister, se çfarë ndodh, nëse qeveris si Edi Rama”, përfundon ai.

Të fundit