Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Carlo Bollino kritikon llojin e medias që krijoi dhe promovoi vetë që para 27 vjetësh

Politiko 1 Gusht 2017, 10:15

Eshtë e çuditshme, por e vërtetë. Sadoqë ka plotësisht të drejtë në atë që thotë, mbi skandalin e që prej disa ditësh shumë media shqiptare po ritransmetojnë videon e një gruaje të re që është kapur në shtrat me të dashurin, Carlo Bollino, nuk mund të luajë 'parimorin', kur ai vetë është krijues i kësaj lloj medie, të cilën e solli nga përtej detit para 27 vitesh. “Gazeta shqiptare” që ai themeloi e drejtoi për vite të tëra, ishte pasqyruesja e historive tragjike dhe jokonvencionale të botës së egër të krimit, asaj bote që gjente hapësria të bollshme në faqet e gazetës së tij.  

Bollino thotë: “… një gjykim duam ta shprehim mbi këtë lloj gazetarie, të cilën edhe ta quash gazetari i ke dhënë shumë. Te hysh në jetëm private të të tjerëve, normalisht, është një abuzim që i falet shtypit në emër të interesit publik. Ne gazetarët kemi të drejtë – por edhe këtu brenda disa kufijve të caktuar – të shkelim privatësinë e njerëzve të zakonshëm, vetëm në rast se kjo diktohet nga interesi publik që ngjall historia që do të trajtohet. Po kush është interesi publik që fshihet pas historisë së një gruaje, të braktisur nga i shoqi, që krijon një marrëdhënie jashtëmartesore? Nuk ka fare. Atëhere, transmetimi i asaj video është një krim profesional. Pikë.

Kjo nuk është gazetari. Kjo është punë hijenash dhe ai që e ka transmetuar për herë të parë atë video është fajtor, po as sa edhe ai që e ka ritransmetuar: janë mbeturina të mediave, kundër të cilave, në një vend të qytetëruar Autoriteti i Mediave Audiovizive ose sindikatat e gazetarëve do të merrnin kundërmasa, ndërsa në Shqipëri nuk ndodh asgjë…”

Natyrisht, sot ai nuk bën pjesë tek “kazani” dhe gëzon mbështejen e Kryeministrit dhe ka të tjera kërkesa. Më qibare.

 

Të fundit