Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çështja e emrit, Kotzias pas takimit me Dimitrov: Jemi pranë hapit të madh

Politiko 31 Mars 2018, 08:32
Çështja e emrit, Kotzias pas takimit me Dimitrov: Jemi pranë

Greqia dhe Maqedonia po përgatiten për një hap të madh në drejtim të zgjidhjes së çështjes së emrit, deklaroi dje në Vjenë ministri grek i Punëve të Jashtme, Nikos Kotzias në përfundim të një raundi të ri bisedimesh nën mbikëqyrjen e OKB-së.

“Kam besim se në takimin e radhës do të jemi në gjendje të bëjmë një hap të madh”, deklaroi ministri grek i pyetur nga media nëse dy vendet ishin afër një marrëveshje, por nuk dha detaje.

“Mendoj se hapat që po ndërmarrim janë të vështira, por po na dërgojnë më pranë një zgjidhjeje të mundshme”, tha Kotzias.

Ministi grek u shpreh gjithashtu se të dyja palët kanë rënë dakord mbi plane të detajuara dhe metodën që do të përdoret që të shkohet në drejtim të një zgjidhjeje të kësaj çështjeje.

Edhe Përfaqësuesi special i OKB-së, Matthew Nimetz shprehu optimizmin e tij pas bisedimeve dhe deklaroi se është arritur progres në të gjitha drejtimet.

“Takimet ishin produktive dhe kjo më bën të jem optimist për të ardhmen”, tha Nimetz në një deklaratë pas një serie takimesh mes ministrave të Punëve të Jashtme dhe atyre të komiteteve të ekspertëve.

“Mund të them se, pa hyrë në detaje, u trajtuan çështje të vështira, që vazhdojnë të qëndrojnë. Çështje të vështira u zgjidhën dhe në mendimin tim, duke qenë se kam punuar mbi këtë për një kohë të gjatë, kam një ndjenjë shumë pozitive se të dy ministrat janë të fokusuar për stabilitetin në rajon, mbi rëndësinë e marrëdhënieve të mira mes dy vendeve dhe kam shpresë se ne mund të vazhdojmë të punojmë në një mënyrë pozitive”, theksoi i dërguari i special i OKB-së që punon prej një kohe të gjatë me këtë çështje.

Të fundit