Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çfarë duhet të dini para se të bëni një tatuazh

Politiko 10 Korrik 2018, 20:04
Çfarë duhet të dini para se të bëni një tatuazh

Beka Roac (Beca Roach) ekspertja e tatuazheve në Nju Jork, ndan disa këshilla mbi gjërat më të rëndësishme që duhet të dini para se të merrni vendimin për të bërë një tatuazh.

Mos përdorni internetin për të kërkuar ide për tatuazhe, sigurisht nëse nuk doni që tatuazhi juaj të jetë i njëjtë me shumë të tjerë. Në vend të kësaj mund të kërkoni për një artist dhe të shikoni portalet ku shfaqet puna e tij. Lexoni me vëmendje kritikat.

Nëse jeni alergjik kundrejt produkteve kozmetike, keni kujdes pasi boja me të cilën realizohet tatuazhi mund të ketë në përmbajtje ndonjë komponent kozmetik dhe kjo mund t’ju sjellë vërtet probleme. Konsultohuni me mjekun se çfarë produkti kozmetik duhet të shmangni.

Një tatuazh i realizuar mirë nuk kushton lirë, dhe një tatuazh i lirë nuk realizohet si duhet. Për çmimet e tatuazheve nuk mund të negocioni asnjëherë pasi secili ka çmimin përkatës sipas madhësisë.

Pjesët e trupit ku mund të ndjeni më shumë dhimbje gjatë realizimit të një tatuazhi janë: brinjët, këmbët dhe fundshpina. Mund të konsultoheni me farmacistin për të marë një qetësues të lehtë për të evituar dhimbjen që mund të shkaktohet.

Tatuazhet tek duart ose këmbët do të zbehen më shpejt pasi këto pjesë të trupit janë më të ekspozuara ndaj diellit. Ky është proces i pa evitueshëm.

Një natë para se të filloni procesin e dizenjimit të tatuazhit kujdesuni të flini mirë dhe të hani vakt të plotë. Mos shkoni asnjëherë të dehur. Do t’ju duhet energji për të përballuar dhimbjen. Qëndroni larg nga alkooli pasi mund të shkaktojë hollim të gjakut dhe gjatë procesit mund të keni rrjedhje gjaku.

Heqja e tatuazhit me lazer dhemb më shumë se sa aplikimi i tij prandaj keni kujdes me zgjedhjen që bëni. Sigurisht nëse tatuazhi nuk ju pëlqen mund ta mbuloni me një dizenjo tjetër por nuk garantohet se ai do të mbulohet totalisht.

Të fundit