Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

“Çfarë është Shqipëria me përkufizim?”

Politiko 11 Janar 2018, 09:42

All - Paragraf - 1

Akademiku Artan Fuga në një shkrim të tij, ngre pyetjen se çfarë është Shqipëria sot me një përkufizim të shkurtër. Mirëpo, vështirë të thuash me pak fjalë se çfarë është Shqipëria, e cila nuk mund të konsiderohet as vend kapitalist, as socialist, as me demokaci, as ligjor as europian..etj, pasi ka shumë anomali.

All - Paragraf - 3

“Çfarë është pra Shqipëria? Pa emër, pa emër. Apo në rrugën e demokratizimit??? Aha! Po sa vjet, 300 vjet, 500 vjet, apo demokratizohemi apo po shkojmë në të kundërt si shferat që i hypin autostrades në kundër sens”, shkruan Fuga në rrjetin e tij social facebook.

Nga Artan Fuga:

Mirë ne festojmë përvjetorin e Skënderbeut, po Skënderbeu do të na festonte për gjendjen ku kemi ardhur pas 25 vjet betejash kundër osmanëve që kemi bërë gjatë tranzicionit?

Vend kapitalist? Ekonomia shqiptare i merr të keqen kapitalizimit sepse përndryshe do të kishte bursë, aksione masive, transparencë financiare për bizneset, do të kishte të drejta në punë dhe jo punë të zezë.

Vend socialist? As ka qenë dhe as është. Se mos është parajsë socializmi!!!

Eshtë demokraci? Cfarë demokracie kur deputetët caktohen me listë nga kryetarët e partive!!! As deputeti e di kush e ka votuar, as elektorati e di se ku shkoi vota e tij! Këtu të drejtën e votës ta ka marrë ligji, këta llomotisin jo dhuna jo kanabisi!

Vend ligjor! Këtu plas kanabisi rrugëve e vjen deri te bregu i Lanës, ku ka ligj këtu sikurse duam ne qytetarët!

Vend ku elektorati vendos? Këtu të gjitha qeveritë gjatë gjithë historisë kanë qenë vetëm të pakicës me përjashtim të qeverisë së parë demokratike që doli me votim plebishitar gati! Pastaj e mori ferra uratën!

Vend europian! Europa e Bashkuar as na pranon te dera, po tronditet nga emigrimi për azil politik, ne themi po shkojmë në Europë.

Gjeni një, vetëm një ligj si në BE dhe do të tërhiqem.

Vend me shanse të barabarta!!! Mos u tallni këtu duhet të kesh mik, kushuri, parà, ose ndonjë gjë tjetër që të bësh përpara!!

Shtet ligjor! Këtu të gjitha i vendosin partitë politike, institucionet janë të politizuara me ligj!

Vend i hapur? Më gjeni një grup të huaj artistik që është sot në Shqipëri! Nje profesor të huaj që është sot në Shqipëri!

Cfarë është pra Shqipëria? Pa emër, pa emër.

Apo në rrugën e demokratizimit??? Aha! Po sa vjet, 300 vjet, 500 vjet, apo demokratizohemi apo po shkojmë në të kundërt si shferat që i hypin autostrades në kunder sens!

Nuk zgjidhen këto çështje me gjuajtje me çizme, as me gjuajtje në kosh, as me çirje dhe thirrje.

Legjiferoni!

Bëni ligje!

Bëni platforma politike të drejta!

Përndryshe Shqipëria sot rrezikon të bëhet një çmendinë, një vend i izoluar më keq se është bërë, një parcelë kanabisi, një vend tranzit drogash,pa teatër, pa opera, pa akademi, pa muzera, veç një bunkeri të mjerë që të kall datën aty te ish kafe bar sahati, pas bashkisë.