Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Çfarë do të bëjë opozita pas protestës, zëdhënësja e PD-së tregon hapat që do të ndiqen

Politiko 14 Janar 2018, 22:01

Në 27 janar PD dhe opozita kanë thirrur një protestë. Por çfarë do të ndodhë më pas?! E ftuar në studion e lajmeve të Ora Neës, zëdhënësja e PD Ina Zhupa zbuloi disa detaje për ecurinë e aksionit opozitar edhe pas protestës.

Zhupa tha se grupi parlamentar hap pas hapi do të tregojë pozicionimin e saj në komisionet parlamentare dhe në seancën parlamentare.

“PD hap pas hapi bën mbledhjet e grupit merr vendimmarrjen për të parë edhe kundërpërgjigjen që vjen nga mazhoranca. Hapi i parë ishte kërkimi i dorëheqjes së Gramoz Ruçit si personi që kreu aktin e puçit kushtetues për zgjedhjen e Prokurorit të Përgjithshëm të Përkohshëm jashtë rregullave kushtetuese. Ky ishte hapi i parë që ndërmorëm në parlament.

Grupi parlamentar hap pas hapi do të tregojë pozicionimin e PD nëpër komisionet parlamentare, në seancën parlamentare dhe në mocione të ndryshe që do të bëjë brenda parlamentit. Parlamenti është një arenë ku vendoset ligjshmëria e këtij vendi dhe besoj që ne mund ta shfrytëzojmë fare mirë edhe atë arenë për të ngritur problematikat e qytetarëve, për të bërë protestën tonë brenda institucionale . Por kjo nuk na mohon të drejtën për të vazhduar me protestën. Kjo nuk na mohon të drejtën për të vazhduar me forma të tjera të mosbindjes civile, kjo nuk na mohon të drejtën për të vazhduar me informim ndërkombëtarëve në mënyrë të pavarur edhe nga ambasadat. Në një farë mënyre për të krijuar në çdo drejtim atë vrull i cili do të përfshijë Shqipërinë”, tha Zhupa.

Zhupa tha se 27 janari do të jetë fillimi i një momenti historik, që hedh bazat për krijimin e një qeverie antimafia në Shqipëri

“Besoj se 27 janari do të jetë fillimi i një momenti historik që ndoshta do të mbahet mend si për herë të parë krijimi i një qeverie antimafia në Shqipëri që do të ketë disa prerokativa  për të vendosur, por do të jetë edhe një hap i mirë për çeljen e negociatave. Me këtë qeverisje, të gjithë e kuptojnë që me raportet ndërkombëtare  që vijnë për Shqipërinë, me shifrat e azilkërkuesve në Francë apo Gjermani ne nuk kemi asnjë shans të hapen negociatat me qeverisjen e Ramës. Duhet ti japim një shans shqiptarëve për hapjen e negociatave dhe një qeveri antimafia është hapi i duhur drejt kësaj rruge”, u shpreh ajo.

Të fundit