Champions/ PSG leksion Realit, Atletico nuk e lë Juven të fitojë (video)

Nëse gjërat do t’i riktheheshin normales me riuljen e Zinedine Zidane-s në stolin e Real Madridit, atëherë kjo paraqitje e sigurt që nuk do të kishte qenë pjesë e planit.

Me Neymar-in dhe Kylian Mbappe-në që e panë takimin nga tribuna, ishte Angel Di Maria, njeriu i cili bëri diferencën dhe spektaklin në “Parc Des Princes” dhe i dha PSG-së fitoren në takimine parë të fazës së grupeve në Ligën e Kampioneve.

Argjentinasi realizoi një dygolësh ndaj ish ekipit të tij, për t’i treguar se sa vlen drejtuesve të “galaktikëve”, të cilët e larguan pasi e gjykuan si tepricë në 2014. Duhet thënë se Di Maria është lojtari i dytë, që arrin t’i shënojë realit dopietë.

Në shtesë, golin që vulosi fitoren 3-0 të parisienëve e shënoi Thomas Meunier.

Ndërsa Juventusit nuk i mjaftuan 2 gola në “Wanda Metropolitano”. Aventura e bardhezinjve në Champions nisi me një barazim. Skuadra e drejtuar nga Mauricio Sarri e pati të vështirë që të mbante avantazhin, por duhet thënë se një pikë e marrë në transfertë ndaj skuadrës më të ndërlikuar, nuk është edhe aq keq. Por tifozët e :zonjës së Vjetër” qajnë dy pikë të humbura.

Atalanta e Berat Xhimshitit pësoi një humbje të thellë në Zagreb kundër Dinamos me rezultatin 4-0. Mbrojtësi i kuqezinjve luajti gjatë gjithë takimit, ndërkohë që u ndëshkua edhe me karton të verdhë.

Bajerni i Mynihut mundi në shtëpi yllin Kuq të Beogradit me rezultatin 3-0, ndrysa Manchester City triumfoi në Ukrainë kundër Shkahtar Donetsk-it po me të njëjtin rezultat. Bayer Leverkusen e nisi keq Champions-in, ndërsa u mund nga Lokomotiva e Moskës 1-2.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm