Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

COVID-19/ Rama plan financiar me 7 pika: Përgjysmohen pagat e ministrave dhe deputetëve

Politiko 19 Mars 2020, 19:51

COVID-19/ Rama plan financiar me 7 pika: Përgjysmohen pagat e ministrave

Kryeministri Edi Rama prezantoi planin financiar për të përballuar situatën e krijuar nga koronavirusi në vendin tonë. Që në nisje të fjalës së tij, Rama paralajmëroi se situata është e vështirë, dhe ndryshe nga tërmeti kur “i shtrimë dorën botës”, tashmë sipas Kryeministrit “luftën do ta përballojmë vetëm”. Ndërkohë Rama u shpreh se plani fillestar financiar, për këtë “luftë që nuk dihet kur do të mbarojë”, është me 7 pika.

“Ekonomia jonë nuk mund të zbatojë ëndrrat opozitare apo atyre që nuk dinë tablat e shumëzimit. Do të financojmë mbijetesën në luftë, të atyre nga ne që do të përfundojnë në kthetrat e armikut, atyre që nuk shkojnë në punë, atyre që pa biznesin e vogël mbijetojnë nesër. Këta janë ata që kanë më shumë nevojë në këtë moment, të tjerët jo vetëm që nuk duhet të kërkojnë, por të hapim nëse duhet të kalojmë në planin B. Sepse të parët ata me halle reale nuk duhet ti lëmë vetëm, të dytët të bëjnë luftën e tyre si të gjithë të tjerët dhe ekonomikisht ndryshe nga të tjerët. Unë doja që në planin A të impononim diçka nga vetja, si biznesi i madh apo kanë një pagë të lartë, por më bindën se mund të perceptohej si mesazh i gabuar, ku do të dilte se shteti nuk ka para.

Nuk do të prekim asnjë pagë përveç atë të Këshillit të Ministrave dhe deputetëve që do të marrin gjysëmn e rrogës deri në fund. Presidentit haka e do që ti bëj një falenderim se po ndihmon si duhet me sa mundet. Plani ynë ka shtatë pika; Së pari do të japim 2.5 miliard lekë për luftën në vijën e zjarrit për pajisje dhe mbështetje për personelin; b) 10 miliard lekë për garanci sovrane për kompanitë që kanë vështirësi për pagat: c) 6.5 miliard lekë për nevojat immediate për shtresat në nevojë, për biznesin dhe papunësinë; d) 2 miliard lekë për Ministrinë e Mbrojtjes për operacionin humanitar; f) 1 miliard lekë për Këshillin e Ministrave për çdo urgjencë; e) Do të fshijmë përgjithmonë kamatëvonesat e energjisë elektrike me efekt 15 miliard lekë, do të përfitojnë 211 024 abonentë; h) Do të riskedulojmë tatim fitimin për të gjithë biznesin”, tha ndër të tjera Rama.

Rama shtoi se “plani që po zbaton qeveria nuk është ecje qorrazi”, duke theksuar se qeveria ka një plan “A”, por që mund të shkojë deri te një plan “D”, që sipas Ramës, “do të donte të mos ia uronte askujt.

"Ka edhe disa allasoj që thonë ja Trump, Merkel dhe të tjerët hapën thasët. Po unë që duhet ti dëgjoj të gjithë duke lundruar me sy në komentet tuaja që më mbyllen në 3 apo 4 të mëngjesit. Unë jam sot këtu, që kjo luftë e ktheu popullin në një familje. Jo unë, por askush në botë, nuk e dimë se deri kur vazhdon kjo luftë prandaj edhe plani ynë do të jetë, A me një rezervë B dhe një C dhe nëse armiku nuk do të largohet për 6 muaj do të vijmë te një plan D, Zoti e di se cfarë forme ka një plan D. Askush nuk e ka një plan të shkruar. Të gjithë besojnë se kjo cudi do të zgjasë 3 muaj. Me të dalë ku të dalë nuk dalim nga shtëpia nesër dhe të biem në një gropë të hapur që të mos dalim as për tre vjet. Plani që do të zbatojmë nuk është ecje qorrazi. Plani unë është nga poshtë lart me kategori dhe shtresat, për më të dobëtit".

Kryeministri paralajmëroi gjithashtu se të ardhurat do të bien në pikiatë, duke u bërë thirrje përsëri qytetarëve që të bëjnë durim me “zakonet e jetës së përditshme”.

"Ju dua shumë si të shtëpisë sime, por mos më kërkoni fjalë të sheqerosura. Luftoni pa pushim me zakonet e jetës së përditshme. Nuk duhet të jemi si me pushime dhe të presim nga qeveria si në ditët e bekuara. E di që ka plot nga ju që nuk e kuptojnë se nuk duhet të dalin në shëtitje, ka edhe nga ata që mendojnë se po i tremb duke thënë luftë, luftë, luftë. Por në fakt, kjo është e para luftë, që e ka zbukuruar botën si nuse, nuk ka asnjë këmbë ushtari në rrugë. Prandaj ju lutem dhe u kërkoj ndjesë mos prisni nga unë që të mos ua përsëris pa pushim; luftrat nuk vijnë për të mos na dëmtuar apo për ta bërë detin kos. Bashkë me rrezikun sjellin edhe rrezikun e vdekjes ekonomike”, tha ndër të tjera Rama.