Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dalin negativë pas testit, OBSH: Pse te disa pacientë virusi Covid-19 riaktivizohet sërish

Politiko 11 Prill 2020, 13:37
Dalin negativë pas testit, OBSH: Pse te disa pacientë virusi Covid-19

Organizata Botërore e Shëndetit (OBSH) tha të Shtunën se po shqyrtonte raportet e disa pacientëve COVID-19 që rezultonin përsëri pozitivë pas testit të parë negativ për covid-19.

Zyrtarët e Koresë së Jugut të premten raportuan se 91 pacientë të shëruar nga coronavirusi i ri kishin dalë sërish pozitivë.

Jeong Eun-kyeong, drejtori i Qendrave Koreane për Kontrollin dhe Parandalimin e Sëmundjeve, tha në një konferencë se virusi mund të jetë "riaktivizuar" edhe një herë te ata pacientë.

OBSH me qendër në Gjenevë, e pyetur në lidhje me raportin nga Seul, i tha Reuters në një deklaratë të shkurtër: "Ne jemi të vetëdijshëm për këto raporte të individëve që kanë rezultuar negativë për COVID-19 duke përdorur testimin PCR ​​dhe pas disa ditësh dolën përsëri pozitivë.

“Ne po i shohim nga afër me ekspertët tanë dhe po punojmë shumë për të marrë më shumë informacione për ato raste individuale. Është e rëndësishme të siguroheni që kur grumbullohen mostrat për testimin e pacientëve të dyshuar, procedurat të ndiqen siç duhet, "tha ajo.

Sipas udhëzimeve të OBSH-së për menaxhimin klinik, një pacient mund të dalë nga spitali pas dy rezultateve të njëpasnjëshme negative.

Bazuar në studimet aktuale, ka një periudhë prej rreth dy javësh midis fillimit të simptomave dhe shërimit klinik të pacientëve me shenja të buta të COVID-19, tha agjensia.

Zyrtarët shëndetësorë të Koresë së Jugut thanë të Premten se mbetet e paqartë se çfarë fshihet pas këtij trendi, me hetime epidemiologjike ende në zhvillim e sipër.

"Meqenëse COVID-19 është një sëmundje e re, ne kemi nevojë për më shumë të dhëna epidemiologjike për të dalë në një përfundim" tha OBSH.

Numri i vdekjeve të lidhura me coronavirusin e ri arriti në 100,000 të premten, pasi rastet e raportuara kaluan 1.6 milionë, sipas një raporti të Reuters.

Të fundit