Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dallgët e egra e të pashtershme të Atlantikut dhe përralla reale e Pena-s, përjetime nga Portugalia

Politiko 22 Janar 2020, 17:49

Dallgët e egra e të pashtershme të Atlantikut dhe përralla

E thonë dhe studimet që udhëtimet ju bëjnë më mirë edhe se vetë martesa. Shumë prej njerëzve, të famshëm, por edhe të thjeshtët kur pyeten për pasionet e tyre e kanë të lehtë, "Udhëtimet" - përgjigjen menjëherë. Foto ilustruese nga interneti

Udhëtimet janë një lloj terapie. Prandaj, në Politiko, do keni mundësinë shpesh herë që të lexoni edhe për eksperienca të ndryshme (personale) udhëtimesh dhe një "mini-guidë" për ju që planifikoni të shkoni diku dhe nuk e keni shumë të qartë se çfarë doni të vizitoni. Fotoja nga d.z

Në këtë shkrim do flasim për Lisbonën, një nga qytetet më të bukura evropiane dhe kryeqyteti i Portugalisë. Po ashtu, në këtë shkrim do flasim dhe për qytete të tjera përreth që janë kthyer në destinacionet e preferuara të turistëve. Fotoja nga d.z

E harruar prej dekadash nën hijet e gjigantëve të Evropës Jugore, si Franca, Italia ose Spanja, Portugalia është bërë një nga vendet që po preferohet shumë këto kohë të vizitohet. Por pse? Ka shumë arsye pse Portugalia është kthyer trend për t`u vizituar. Së pari, dielli perëndon mbi det. Një detaj i vogël bën gjithë ndryshimin. Për fat të mirë, Portugalia ka pjesën më të madhe të vijës bregdetare dhe plazheve të saja të cilat janë në atë orientim ku dielli perëndon mbi to, çdo ditë. Fotoja nga d.z

Prandaj, gjëja e parë që duhet të bëni, është të vizitoni bregdetin kur dielli po perëndon dhe të krijoni kujtime fantastike gjatë qëndrimit tuaj në Portugali. Tramët bëjnë këdo të lumtur. Jeta në shumicën e qyteteve të Portugalisë është zbukuruar me tramët historikë që lëvizin në gjithë qytetin dhe të japin panoramën e bukur  të vendit. Veçanërisht në Lisbonë, është e pamundur të mos qeshësh teksa shikon atë pajisje të verdhë që ngjet e zbret kodrat. Fotoja nga d.z

Kafja është kaq e mirë. Portugalia kolonizoi Brazilin, Angolën, dhe Timorin Lindor - disa prej prodhuesve më të mirë të kafes - tani duket se bën më shumë sens apo jo? Nuk do gjeni në asnjë vend - cilësi më të mirë krahasuar për çmimin - e kafe më të mirë në Evropë se sa në Portugali. Një kafe e mirë, ekspres kushton jo më shumë se 1 euro.
Foto ilustruese nga Interneti

Mund të jetoni një jetë përrallash në Sintra. Vetëm 40 minuta larg me tren nga Lisbona, ky qytet i vogël kodrinor është një magji. Të jep një shfaqje mbresëlënëse: pallatet, kështjellat elegante dhe gjithë pamja spektakolare e parkut "Sintra Cascais Natural Park". Arkitektura romantike e "Palácio da Pena" është një nga vendet që duhet vizituar dhe është shembulli i jetës reale të një kështjelle Disney (vetëm se jo në Disneyland). Foto ilustruese nga Interneti

Peshku është gjithnjë i freskët. Vegjetarianët mund ta kalojnë këtë fragment pa e lexuar. Më shumë se 800 km bregdet, zona më e madhe e peshkimit në Evropë dhe çmimet qesharake (sepse janë shumë të ulëta), e bëjnë Portugalinë një nga vendet më  peshk-miqësore që keni qenë ndonjëherë. Disa nga llojet e peshqve në Portugali:

  • Bacalhau
  • Dourada
  • Sardinha
  • Robalo

Ka kudo rrugë me kalldrëm. Calçada Portuguesa është lloji i mozaikut të shtruar kudo në rrugët e Portigalisë, pjesë e planifikimit urban në këtë shtet (gjithashtu edhe në vende me ndikim portugez si Rio de Janeiro). Fotoja nga d.z

*Shënim: Për të apasionuarit e takave, e kuptoni vetë që nuk mund t`i vishni në këto rrugë.

Mund të ketë klimën më të mirë në Evropë. Dimrat e butë rrallë zbresin në temperaturat nën 5ºC përgjatë bregdetit, e ndërsa vera e nxehtë jep freski nga flladi i Atlantikut. Fotoja nga d.z

"Azulejos" janë fiksimi i radhës. Nuk mendoj se ka një vend tjetër në botë ku #tileart është kaq popullor. Përgatituni të gjeni pllaka të pikturuara në ndërtesat historike, instalimet moderne të dizajnit dhe madje edhe dyqanet e suvenireve. Ekziston edhe një muze i pllakave i cili është një nga perlat e fshehura të Lisbonës! Foto ilustruese nga Interneti

 E kemi shumë seriozisht për verën (pijen, jo stinën). Portugalia konsiderohet e nivelit të dytë sa i takon verërave,  direkt pas Francës, Italisë dhe Spanjës. Dhe sërish, është pikërisht ky vend që merr çmimet më prestigjioze vit pas viti (edhe pse namin e kanë këto tre shtetet e tjera). Shanset janë se ka një verë me cilësi të shkëlqyeshme me një çmim shumë të arsyeshëm. Të preferuarat e mia janë çdo lloj i "vinho verde", vera e bardhë nga Alentejo dhe e kuqja nga rajoni i Douro-s. Foto ilustruese nga Interneti

"Pastéis de Nata" janë një festë për shijet tuaja. E kemi fjalën për ata që pëlqejnë ëmbëlsirat. Flitet kaq shumë për Pastéis de Nata. Unë them që nëse largoheni nga vendi pa i provuar, diçka është thellësisht e gabuar me ju. Portugalia ka ushqim fantastik në përgjithësi, ndaj dhe pëlqehet kaq shumë.
Fotoja nga d.z

Është vendi ideal për të mësuar ose zotëruar artin e të bërit "surf". Nëse jeni të dhënë pas surf-it, valët e egra e të pashtershme të Atlantikut, klima e butë dhe një komunitet i madh i surf-istëve dhe kampet e sërfit, mund t`ju joshin lehtësisht. Nazaré, Peniche, Ericeira dhe gjithë bregdeti e Alentejos janë ndër pikat e nxehta të surf-imit në Portugali. Kohët e fundit, "Azores" gjithashtu janë zbuluar si një pikë fantastike e surf-imit dhe São Miguel tani është vendndodhje e një faze të 'Kampionatit Botëror të Surfeve'. Fotoja nga "The Guardian"

Kam vizituar vetëm Nazaré-n dhe jam magjepsur. Çdokush që kalon në Lisbonë, duhet ta vizitojë. Është rreth 1 orë e gjysmë larg dhe ofron kaq shumë për të lënë kujtime të thella tek ju.

Muzika Fado do t`ju bëjë kaq shumë emocional. Fado është ndoshta muzika më melankolike dhe e thellë që mund të dëgjoni. Edhe nëse nuk i kuptoni asnjë fjalë, ka fuqinë të ju bëjë të "meditoni".

Fotot/videot dhe teksti për Politiko: d.z

Të fundit