Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Dancing with the Stars” sfidon Top Channel dhe Tv Klan; pse pritet të jetë spektakli më i ndjekur i sezonit

Politiko 24 Mars 2018, 17:27

“Dancing with the Stars” startoi mbrëmjen e djeshme në ekranin e Vizion Plus. Spektakli i kërcimit bëri bashkë figura të njohura dhe shumë të dashura të ekranit, të cilët veç profesionit të tyre, falë ndihmës së balerinëve po shfaqin një talent tjetër të tyre, kërcimin.

Risi e këtij spektakli është rikthimi pas disa vitesh në garë të konkurrentët që kanë qenë edhe në edicionet e mëparshme duke na paraqitur “Dancing With The Stars Best”.

12 konkurrentë, të cilët u ngjitën mbrëmë në skenë me partnerë balerinë profesionistë janw; Viktor Zhusti, Aulona Musta, Amos Zaharia, Diellza Kolgeci, Kristi Popa, Rike Roci, Niko Komani, Rovena Dilo, Mariza Ikonomi, Landi Hysi, Xhani Shqerra dhe Soni Malaj.

Ky spektakël pritet të jetë ndër më te ndjekurit në këtë sezon dhe kjo për një sërë arsyesh.

Së pari, sepse janë mbledhur bashkë figurat më të dashura për publiku, të cilët me talentin, batutat, bukurinë dhe thjeshtësinë do të sfidojnë njëri-tjetrin në kërcim; një fushë që nuk është e tyre.

Së dyti, sepse produksioni dhe vetë televizioni i kanë kushtuar vëmendje shumë të veçantë këtij formati, i cili padiskutim mund të quhet më i rëndësishmi aktualisht në Vizion Plus. Edhe pse konsiderohet televizioni i tretë më i ndjekur në Shqipëri, sa herë që “Dancing With The Stars” ka qenë në trasmetim, shifrat e shikueshmërisë e kanë treguar se publiku e do si program.

Besueshmëria dhe rëndësia mbi këtë format ka bërë që produksioni t’i dorëzojë “primetime“-n në një përballje me dy konkurrentët e televizioneve të tjera si “The Voice Kids” dhe “Zonë e lirë”. Pavarësisht suksesit që mund të kenë dy programet e tjera, “The Voice” ka më shumë se 1 muaj që është në trasmetim dhe kurioziteti më i madh i publikut është shuar disi, ndërsa format i moderatorit Arjan Çani është në një linjë të njëtrajtshme. Kjo i jep prioritet “Dancing With The Stars” aq më tepër që është një program i mbushur me personazhe të cilët mos për njërin për tjetrin publiku ka kuriozitet.

Së treti, sepse Holta Kolaneci, producentja e këtij spektakli arriti që të surprizonte jo vetëm publikun por edhe vetë jurinë, moderatorët e konkurrentët mbrëmjen e djeshme. Nëse në edicionet e mëparshme të “Dancing With The Stars” kemi patur 3 anëtarë, këtë vit do të ketë katër. Tre personalitete shumë të dashur për publikun, Ilir Shaqirit, Alfred Kaçinarit dhe Ema Andreas, i’u shtua në juri dhe Julian Deda.

Së katërti, modelimi i spektaklit nga bukuroshja Almeda Abazi është tjetër risi. Ndonëse Almeda, nuk njihet si mjeshtre e fjalës, për shkak dhe të jetesës së saj prej vitesh në Turqi, me bukurinë dhe çiltërsinë e saj ajo ka arritur të rrëmbejë zemrën e publikut.