Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Debati për kampin e Tepelenës, Sula: Në dosje kemi gjetur 23 milion faqe. Dëshmi të dhimbshme për kushtet çnjerëzore

Politiko 30 Prill 2018, 13:27
Debati për kampin e Tepelenës, Sula: Në dosje kemi gjetur 23

Kryetarja e Autoritetit të Dosjeve të Sigurimit Gentiana Sula, e ftuar në emisionin KAPITAL në Vizion Plus me Aleksandër Furxhi,  tregon se si dhe përse kampi i internimit të Tepelenës erdhi në qendër të debatit publik.

Ajo thotë se nuk pritej që aq shumë njerëz të mbijetuar nga kampi, ose familjarë të tyre, të vërshonin me dëshmi, rrëfime dhe kujtime të dhimbshme për kushtet çnjerëzore të kampit të ngritur 7 dekada më parë.

Lidhur me volumin e punës dhe dokumentacionit të Sigurimit të Shtetit, sot nën administrimin e Autoritetit AIDSSH, rezulton se aktualisht 14 mijë dosje janë të inventarizuara në mënyrë elektronike. Fjala është për dosje të personave të hetuar dhe dënuar gjatë komunizmit për veprimtari politike.

“I gjithë dokumentacioni në zotërim nga Autoriteti AIDSSH përmban rreth 23 milion faqe të shkruara dhe të ruajtura në 46 vite të regjimit komunist. Tashmë Autoriteti zotëron rreth 30 mijë dosje të punës për oficerë, neoficerë, punëtorë operative dhe civilë të tjerë bashkëpunëtorë të Sigurimit të Shtetit”, u shpreh Sula.

Kryetarja e Autoritetit të Dosjeve të Sigurimit thotë se ka ardhur në rritje numri i kërkesave nga publiku për informacion mbi dosjet.

“Rreth 280 kërkesa u paraqitën gjatë vitit 2017, prej tyre rreth 50 kërkesa erdhën nga institucionet kushtetuese për verifikim të kandidatëve për poste të larta shtetërore. Kanë kaluar në filtrin e verifikimit të pastërtisë së figurës 821 zyrtare apo kandidatë për poste publike, nga këta 795 kanë rezultuar pozitive. Kanë kaluar në filtër 197 kandidatë për organet e vetingut.  Në dyert e Autoritetit të dosjeve u paraqiten 51 kandidatë për KLGJ e KLP nga shoqëria civile e bota akademike, ndër të cilët 4 kanë mbetur në ‘rrjetë’”, u shpreh më tej Sula.

Të fundit