Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Debati për mbulimin e monumenti te Skënderbeut, reagon grupi i besimtarëve: Jemi të indinjuar. Skënderbeu nuk i fyen myslimanët
Pas debatit për mbulimin me ekranë të monumentit të Skënderbeut gjatë faljes së Kurban Bajramit, kanë reaguar dhe një grup myslimanësh shqiptarë.
Ata janë shprehur të indinjuar në lidhje me të gjitha reagimet anti-myslimanizmit.
Në deklaratën e tyre, grupi i besimtarëve thekson se profeti është falur tërë periudhën mekase në Qabe, në Shtëpinë e Zotit, i rrethuar nga idhujt. Ai asnjëherë nuk i ofendoi idhujt e popullit të tij, nuk e fyeu popullin e tij për idhujt e tyre dhe asnjëherë nuk është përpjekur t’i mbulojë ato gjatë namazeve të kryera në Qabe.
Prandaj, sipas tyre, konsiderosh të legjitimuar fetarisht veprimin e drejtuesve të Komunitetit Mysliman të Shqipërisë është injorancë, dashakeqësi dhe deformim i traditës profetike.
Deklarata e Plotë e grupit të besimtarëve myslimanë:
Këtë vit falja e namazit të Kurban Bajramit u instrumentalizua në një debat që i kapërcen kufinjtë e fesë, përkatësisht debati mbi historinë, identitetin kombëtar, rolin e myslimanëve në të shkuarën dhe perspektivën e shqiptarëve.
Vënia e ekraneve të mëdhenj mes besimtarëve që faleshin dhe monumentit të Skënderbeut e ka zhvlerësuar pozitën mbizotëruese të monumentit të Heroit Kombëtar në sheshin qendror të Tiranës, duke nxitur reagimin e shumë qytetarëve dhe zërave publikë që e kanë parë këtë veprim si cënim të simbolit kombëtar.
Reagimet kanë marrë të mirëqenë një paragjykim, sipas të cilit myslimanëve nuk u lejohet fetarisht të falen kur përpara tyre gjendet monumenti i një frymori.
Profeti është falur tërë periudhën mekase në Qabe, në Shtëpinë e Zotit, i rrethuar nga idhujt. Ai asnjëherë nuk i ofendoi idhujt e popullit të tij, nuk e fyeu popullin e tij për idhujt e tyre dhe asnjëherë nuk është përpjekur t’i mbulojë ato gjatë namazeve të kryera në Qabe.
Ta konsiderosh të legjitimuar fetarisht veprimin e drejtuesve të Komunitetit Mysliman të Shqipërisë (“KMSh”) është injorancë, dashakeqësi dhe deformim i traditës profetike. Në rastin më të mirë, drejtuesit e KMSh-së kanë gabuar nëse, në pavetëdije për pasojat e veprimit që po kryenin, kanë lënduar ndjenjat kombëtare të një pjese të popullit duke censuruar figurën e Heroit Kombëtar në sheshin e kryeqytetit. Në rastin më të keq, veprimi i tyre është bërë instrument i pushtetarëve dhe islamofobëve, duke dëmtuar myslimanët dhe interesat kombëtare të shqiptarëve.
Me fillimin e sezonit të ri politik, KMSh-ja u ka dhënë gurin në dorë mediave proqeveritare që të zhvendosin vëmendjen nga problemet reale të vendit, ndërsa islamofobëve që të përparojnë në axhendën e tyre për t’i bërë myslimanët të ndihen si trup i huaj në shtetin e tyre, të cilin ata e themeluan dhe e ngritën bashkë me patriotët e tjerë shqiptarë.
Gjithashtu, ne shprehim indinjatën tonë ndaj histerisë antimyslimane me këtë rast, prej individësh të cilët, nëse do ta kishin vërtet parësor interesin kombëtar, do të kishin treguar indinjatë të shumëfishuar ndaj politikave dhe qëndrimeve antikombëtare të qeverive të kaluara dhe asaj aktuale.
Nënshkrues:
Vehap Kola
Gerdi Demneri
Esmere Kola
Roald Hysa
Durim Kodra
Gentian Kryeziu
Altin Veisllari
Besmir Gëziqi
Fluturim Nela
Egon Loli
Ylvi Durmishi
Armand Hasa
Sajmir Hurdha
Adnand Ramadhi
Eltjon Kuptrija
Safet Hoxha
Albi Bardhi
Melisa Harusha
Ergi Bardhi
Artur Gjevori
Rezarta Alla
Aleksandër Nikoçi
Enes Neza
Arber Ademi
Salvi Kanto