Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Dëborë dhe acar, bllokohen akset kryesore në veri

Politiko 14 Shkurt 2018, 13:04
Dëborë dhe acar, bllokohen akset kryesore në veri

Disa zona kanë mbetur të bllokuara  për shkak të reshjeve të dendura të dëborës dhe erërave të forta. Sipas të dhënave të Ministrisë së Mbrojtjes, kanë mbetur të bllokuara akset Shkodër-Theth dhe Shkodër-Breg Lumi.

Në Qarkun e Kukësit, akset rrugore nacionale kanë borë, por edhe gurë e dhera që janë rrëzuar prej skarpateve. Rruga e Kombit është e kalueshme normalisht. Aksi rrugor Kolsh-Qafë Shllak është i kalueshëm me zinxhirë. Ndërsa të bllokuara janë akset që lidhin fshatin Lojme dhe Arrën me Kukësin.

Në Dibër, rrugët Qafë Bualli-Martanesh dhe Klenjë-Trebisht-Ostren janë të bllokuara, ndërsa në aksin Ura e Çerenecit-Steblevë kalohet me vështirësi. Në Qarkun e Elbasanit, aksi rrugor Librazhd-Steblevë, segmenti Fushë Studen-Steblevë është i bllokuar nga dëbora me trashësi rreth 50 cm.

Situata më e normalizuar është në  Qarkun e Korçës, përfshi edhe Qafë-Thanën. Është dashur ndërhyrja e 6 borëpastrueseve për të mbajtur nën kontroll aksin e Qafë-Thanës, nga Lini deri në Prrenjas.

Të fundit