Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Deputeti Gurakuqi: Dosjet janë të pasigurta, si u zhdukën brenda vitit

Politiko 11 Janar 2018, 11:52

Deputeti Demokrat i Shkodrës Romeo Gurakuqi thekson rëndësinë e marrjes së certifikatës së pastërtisë së figurës të deputetëve, e cila vërteton se nuk kanë lidhje me ish-Sigurimin e Shtetit.

Gurakuqi ka qenë një ndër politikanët e parë që ka marrë certifikatën e pastërtisë vullnetarisht. Në një intervistë për  “Gazeta Shqiptare”, deputeti demokrat shpreh shqetësimin për mënyrën se si veprohet për hapjen e dosjeve, pasigurinë e ruajtjes së tyre dhe zhdukjen në masën 70 për qind brenda 1 viti gjatë kohës që Ministria e Brendshme drejtohej nga Gramoz Ruçi.

Romeo Gurakuqi flet edhe për dëbimin e familjes së tij nga Tirana në vitin 1948, ndërsa shprehet: “Dera e Shqipërisë duhet të jetë e hapur për bijtë dhe nipërit e mbesat e Shqipërisë së persekutuar, që u nxorr jashtë me marifet nga viti 1991”.

Deputeti ngre shqetësimin e pasigurisë së dosjeve dhe sot. “Asnjë garanci nuk ka për këtë dhe asnjë procedurë të përcaktuar për ruajtjen, për arsye publike të dosjeve që një autoritet tjetër, siç është Autoriteti i Hapjes së Dosjeve, i merr në shqyrtim nga fondet e Arkivit të MPB? Kini parasysh pra se dosjet e Arkivit të MPB nxirren jashtë hapësirës së ruajtjes drejt të autoriteti tjetër.

Një mishmash i vërtetë procedural. Përveç kësaj, asgjë nuk ka rregulluar ligji mbi funksionalitetin e Autoritetit të Dosjeve, në institucione të tilla si AQSH, dosjet e divizioneve, që kanë bërë raprezaljet në fund të vitit 1944 dhe gjatë gjithë vitit 1945 në Shqipërinë e Veriut dhe në Kosovë. Asgjë nuk ka rregulluar ligji mbi tagret e verifikimeve dhe procedurat e përcaktuara qartë të vjeljes së informacionit dhe hapjes së dosjeve në Arkivin e Forcave të Armatosura, pranë Ministrisë së Mbrojtjes dhe në Arkivin e MPJ”, është shprehur Gurakuqi.

Më tej ai shton se duhen dhënë shpjegime për eliminim e dosjeve, shkatërrimin e tyre gjatë vitit 1990 dhe fillimit të vitit 1991, si dhe të jepet një fond për gjetjen e të zhdukurve, pasi ka njerëz të pushkatuar, që nuk u gjenden eshtrat dhe nuk dihet vendi ku janë varrosur.

 

Të fundit